Te fundit
“BE nuk lejon justifikime për reformat”, Kuko: Situata gjeopolitike do të vështirësohet, Shqipëria në moment oportun për integrimin
5 Korrik 2025, 18:48Politika
TEMA
Deputetja e zgjedhur e Partisë Socialiste, Romina Kuko, gjatë një interviste në emisionin “Kjo Javë” në News24, foli për rrugëtimin e Shqipërisë drejt Bashkimit Evropian, duke theksuar rëndësinë e përmbushjes së kritereve teknike dhe politike brenda afateve të vendosura.
Sipas Kukos, Bashkimi Evropian është një “makineri e ngurtë kur vjen puna te kriteret” dhe nuk ofron hapësirë për justifikime kur reformat nuk realizohen. Ajo nënvizoi se objektivi është mbyllja e grupeve të kapitujve deri në vitin 2027, çka do t’i hapë rrugë votimit në parlamentet e vendeve anëtare për anëtarësimin e Shqipërisë.
“Besoj se situata gjeopolitike që do të vështirësohet edhe më shumë në Evropë do të krijojë kushtet që rajoni ynë të përfshihet në hartën e BE-së si entitet, fillimisht për çështje sigurie dhe më pas për arsye të influencave,” tha Kuko.
Ajo shtoi se Shqipëria ka një “gjeografi shumë të mirë” që e favorizon, por suksesi varet nga mënyra si do të shfrytëzohen këto avantazhe dhe nga përmbushja e standardeve të kërkuara nga Brukseli.
“Jemi në një moment shumë oportun,” përfundoi Kuko, duke e cilësuar këtë periudhë si një mundësi historike për Shqipërinë në rrugën drejt anëtarësimit evropian.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo deputetja e re Kuko,e ka merak fort paraqitjen,me teper duket si stjuardes se sa politikane. I ço floket nje here para nje here mbrapa,gjys para gjys mbrapa.E çfare do presim nga kjo deputete,perveçse pasarela mode?
I njeh shume mire proceset kjo bjonda fallce ,eshte eksperte e papare,e ka ftilluar dhe e ka bere hafyz amb.Soreca. Ja ka thene te gjitha sekretet e zanatit tëk e tëk e tëk.Ka qene shume e zellshme per te mesuar dhe jashte orarit.Ka bere dhe kurs klarinete me duket
Po mbeti "analiza e situates gjeopolotike" ne mendjen e Kukos...vaj medet Shqiperia..
Shume bjonde eshte Kukudhja mavi