Te fundit
Dekretohen ndryshimet në qeveri, Balluku e Dhuka betohen para Begajt
28 Korrik 2022, 18:41Politika
TEMA
Presidenti Bajram Begaj ka dekretuar anëtarët e rinj të Këshillit të Ministrave, Belinda Balluku në postin e zv/kryeministres dhe Ministër i Infrastrukturës dhe Energjisë, dhe Majlinda Dhukën si Ministër Shteti dhe Kryenegociatore.
Anëtarët e rinj të Këshillit të Ministrave, të dekretuar nga Presidenti Begaj dhe të miratuar nga Kuvendi i Shqipërisë, u betuan sot para Kreut të Shtetit shqiptar.
Pasi u lexua formula e betimit dhe dekretet përkatëse të emërimeve, anëtarët e Këshillit të Ministrave: Belinda Balluku si dhe Majlinda Dhuka, u betuan para Presidentit të Republikës dhe firmosën dokumentin e betimit.
Me dorën mbi Kushtetutën e Shqipërisë, anëtarët e Këshillit të Ministrave u zotuan se: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”!
Presidenti Begaj, pasi u dorëzoi dekretet përkatëse të emërimit, dhe u uroi anëtarëve të rinj të Këshillit të Ministrave punë të mbarë dhe suksese në detyrën e lartë dhe me përgjegjësi.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Punet sapo kane nisur te vine per mbare. Pas ketyre ndryshimeve, per qeverine Rama 3 duhen te behen ndryshime rrenjesore: 1. Mirela Kumbaro dhe Milva Ekonomi duhet t'u hapin krahun sprcialisteve te rin j 2. Bora Muzhaqi, Edona Bilali, Ogerta Manastirlliu, Frida Krifca e Eva Margariti duhet te zevednesohen me kapacitete te rinj specialiste te shquar ne fushat respektive.