Te fundit
“Berisha ka shkelur statutin e PD” - Analisti: Nuk ka zgjedhje me një kandidat
22 Maj 2026, 14:10Politika
TEMA
Analisti Martin Leka thotë se Sali Berisha ka shkelur statutin e PD, pasi humbësi në zgjedhjet parlamentare, nuk mund të garojë për kreun e partisë.
Në një intervistë për “Newsline” për ABC News, Leka u shpreh se në PD nuk do të ketë zgjedhje, pasi kanditeti i vetëm është Berisha.
Leka shtoi se Berisha e ka bërë PD, një parti për veten dhe familjen e tij.
“Unë do thoja që vetëm zgjedhje nuk ka në PD. Zgjedhje nuk mund të jenë, do zhvillohet miting i madh, ku do emërohet siç dihet, Sali Berisha, kryetar i PD. Zgjedhjet, që të ishin demokratike, duhet të kishin alternativa. Alternativat e mundshme u skualifikuan, zgjedhje nuk mund të ketë. Për gjyqësorin, duhet të ishte reflektim. Zgjedhjet nuk duhet të zhvilloheshin, sepse kanë statut qëe përjashtojnë humbësin nga gara. Sali Berisha i ka humbur zgjedhjet, Berisha gjeti një justifikim për të thënë që zgjedhjet ishin farsë, ndërsa shkon në parlament, bën marrëveshje.
Por i quan farsë, sepse nuk do të ikë nga kryetari i PD. Kandidatët që u skualifikuan, unë i vlerësoj, por jam kaq i hapur dhe i qartë, edhe i ndërgjegjshëm, që në atë lloj partie, me atë klimë, kushdo të kandidonte, nuk do të fitonte përballë Sali Berishës. Atë parti, ai e ka bërë për veten dhe familjen e vet”, theksoi ai.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo eshte grabitje e PD!
Si thote ajo shprehja,topi eshte i imi,penalltine e gjuaj vete,ose dola i pari ne gare,po sa vete ishin,vetem une,edhe ky krimineli do fitoj zgjedhjet me veten e vete