Te fundit
Erion Braçe flet në Kuvend mbi rritjen e çmimit të karburanteve: Një shoqatë 'kartel' kërcënoi sigurinë kombëtare
30 Mars 2026, 18:09Politika
TEMA
Gjatë seancës në Kuvend, deputeti socialist Erion Braçe ngriti si çështje modelin e tregut të hidrokarbureve që po ndikon në çmimin e naftës, e cila shihet të ketë tendencë rritjeje.
“Duhet të kthejmë vëmendjen nga modeli i tregut që kemi në këtë sektor. Është shumë e rëndësishme që narrativa që synon të fshehë elementë të posaçëm dhe modeli që kemi në tregun e hidrokarbureve të mos gjejë hapësirë të mjaftueshme për të zhurmuar ose fshehur e tërhequr vëmendjen në drejtime të tjera”, tha Braçe.
Deputeti tha se Shqipëria ka çmimin neto më të lartë të hidrokarbureve në rajon. “Me tregun dhe çmimet e sotme në bursë, ne kemi çmimin neto të hidrokarbureve më të lartë në të gjithë rajonin. Po flas për çmimin neto, pa taksa fare që është më i larti se në Greqi, Maqedoni, Kosovë, Mal të Zi e Serbi”, u shpreh Braçe.
Ai adresoi edhe shqetësimin për reagimin e furnizuesve të hidrokarbureve, një shoqatë që tha se funksionon si kartel dhe kërcënimet për ndërprerjen e furnizimit cenojnë sigurinë kombëtare.
“Ajo që më bëri përshtypje ishin tonet kërcënuese të një shoqate që funksionon në treg si kartel, tone kërcënuese për të ndërprerë furnizimin, importin e me radhë, janë tone kriminale që kërcënojnë sigurinë kombëtare që duhet të marrin përgjigje duke shembur modelin e tregut të hidrokarbureve që garanton fitime, arrogancë dhe kërcënime nga operatorët në këtë treg”, përfundoi Braçe.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kandido per bashkinë Tiranë 6 vota i ke nga une
Ju shplaft mortja per shtet .shtet me te poshter nuk ka hajduta kriminela madkarenj
Qenke trembur shume nga tonet kercenuese te nje shoqate qe funksionon ne treg si KARTEL droge do te thoje ? Po c’è bete gjithe ate nafte qe ka Shqiperia , Apo Rafinerine qe perpunohej nafta , si ja doli mbane ai sistem ? Aty ne kuvend e ke ortakun tend sali kriminelin megjithe bashibuzuket , ne je trim pse si kerkon llogari qe e shkateroj pa ju dridh qerpiku me gjithe ju pinxhot e asaj kohe ? Vetem nga keto bema je deputet dhe jo se je trim apo me intelekt apo i ndershem si te cilesojne disa komentusa , o brace mavrija ...!!! Te paska hyre frika ne palce , ta reflektojne fytyra dhe syte ..!!
O Braçe ziu ,ose më mirë :o Braçe viktima ,bëj detyat atje ku je deputet (në zonën nr -5 ),sepse Ne votusit e kësaj zone e shohim çdo dit ,orë dhe minutë se sa punon ti .Për Ne je ngelës ,je një llafazan që nuk lë vënd pa futur hundët ;me përjashtim të punës dhe detyrymet që ke si deputet .Ulu na i dëgjo hallet tona ;sepsr kështu nuk do të kesh kohë për tu marë me ngërçet pisllëqet dhe fëlliqësitë e tua .I ke provuar të gjitha llojet e karikeve ,deri në majën e piramidës .Rezultati vetëm zero .Kudo të punët e tua ,ke qënë vetëm garniturë dhe vetëm iso ke mbajtur .Na thia një punë konkrete që ke bërë ?????????????