Te fundit
"Konfliktet e ngrira përdoren për të shpëtuar nga llogaridhënia", Basha: Beogradi të vërë para përgjegjësisë autorët e sulmit në Banjskë
12 Tetor 2024, 16:40Politika
TEMA
Kryetari i PD-Demokratët Euroatlantikë, Lulzim Basha, ka postuar një video në facebook nga fjala e djeshme në Nënkomitetin për Ballkanin Perëndimor të Asamblesë Parlamentare të Këshillit të Europës që u mbajt në Beograd.
Basha shkruan se konfliktet e ngrira po përdoren si një alibi për të shpëtuar nga llogaridhënia dhe sot Beogradi duhet të vërë para përgjegjësisë autorët e sulmit në Bajnskë, të cilët janë ende të lirë në Serbi.
Postimi i Bashës:
Është bërë praktikë e zakonshme e politikanëve të paaftë dhe të korruptuar që të fshihen pas retorikës nacionaliste.
Konfliktet e ngrira janë alibia për të shpëtuar nga përgjegjësia para qytetarëve dhe për t'i përdorur ata për interesa politike.
Nëse Kosova do të ishte anëtare e Këshillit të Europës, do të monitoronin edhe zbatimin e të drejtave të serbëve në Kosovë. Pse nuk e do Beogradi zyrtar këtë? A i interesojnë vërtet serbët në Kosovë?
Kosova është e pavarur! Ky është një realitet i pakthyeshëm. Pavarësia e saj është njohur nga shumica e shteteve anëtare të OKB-së, dhe është konsideruar në përputhje me të Drejtën Ndërkombëtare nga Gjykata Ndërkombëtare e Drejtësisë.
Në vend të përpëlitjeve për të ruajtur konflikte të ngrira, sot Beogradi duhet të vërë para përgjegjësisë autorët e sulmit në Bajnskë, të cilët janë ende të lirë këtu në Serbi.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Foli Luli , mbaroi iku Serbia vdiqe ...
U ktheve me ne fund atje ku mund te duhesh
Kur te flasesh per llogaridhenie per te tjeret duhet qe te japesh ti I pari pastaj te tjèret.çfar ke bere ti ? Ke mar raporte per dhimbje barku se te shkonin 7 nga gjyqet per vjedhje , vrasje , shitje te tokes shqiptare grekeve pasurimi me 5 Vila.Po ti je al I pa fytyre qe del dhe jep della pa ti kerkuar .Prandaj largohu sa me pare se je bere si vc publike qe dhjesin dhe kafshet antishqiptare .