Te fundit
VIDEO/ “Zoti mund të më japë dhe 30 vjet të tjera hallvë…” - Kur Berisha paralajmëronte se nuk do të largohej kurrë nga politika
12 Tetor 2024, 16:13Politika
TEMA
Janë disa deputetë të grupit parlamentar të Partisë Demokratike, të cilët presin largimin e Berishës pas humbjes së mundshme në zgjedhjet e ardhshme të vitit 2025. Ata shpresojnë se rruga e tyre politike do të jetë e hapur.
Por, në të vërtetë Berisha nuk do të largohet as pas kësaj humbjeje. Ai e ka pohuar më shumë se një herë se nuk largohet nga politika deri në fund.
“Unë jam njeri që instinktivisht nuk merrem me histori,” do të shprehej Berisha në seancën e 21 prillit 2008, duke mbrojtur paketën e ndryshimeve në kushtetutë. Në kuvendin e Shqipërisë u paraqit atë ditë për votim, paketa e ndryshimeve kushtetuese, pas një marrëveshje të arritur paraprakisht ndërmjet liderit të mazhorancës së kohës Sali Berisha dhe atij të opozitës Edi Rama. Në thelbin e saj ishin ndryshimet në kodin elektoral.
Paketa kushtetuese u miratua me shumicën e deputetëve të PD-së dhe PS-së por u kundërshtua nga deputetët e partive të vogla.
LSI luftoi fort për ta ndalur miratimin e kësaj pakete kushtetuese, madje pati edhe një grevë urie në ambientet e sallës së Kuvendit të Shqipërisë. Por, rezistenca e LSI-së dhe disa partive të tjera të vogla nuk e ndalën miratimin e marrëveshjes Rama-Berisha për ndryshimin e kushtetutës.
Ky ndryshim i kushtetutës nuk pati impakt aq të madh tek e djathta, ndërsa Berisha nuk ka shprehur asnjëherë pendesë për këtë vendimmarrje.
Ai e mbrojti këtë vendimmarrje me një fjalim në parlament i cili mbyllej me këto fjalë:
"Unë ju falenderoj për të gjitha dhe ju ftoj ta votojmë paketën, se ia kemi lehtësuar rrugën këtij vendi. Mos u merrni nga mëngjesi në darkë me Sali Berishën. Dua t’ju them se nesër i gjithëfuqishmi mund të më thërrasë në banesën e tij dhe unë do ta falënderoj dhe do të shkoj me vrap. Por Zoti mund të më japë edhe tridhjetë vjet të tjera hallvë. Harrojeni se unë dal nga politika pa më nxjerrë votat."
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Populli ta hengri hallven ne 2013...tani bie era mut...●●●●●
Zoti te ka dhene kashte ne vend te trurit Sali, dhe tani ajo kashta eshte dekompozuar ne pleh organik. Thuaj Lili nongrates te mbjelle lulen e fundit per ty me ate pleh organik more gomar krejt.
i marrosur!