Te fundit
Një vit nga marrëveshja Kosovë-Serbi në Ohër, Rama: Zbatimi, thelbësor për ruajtjen e sigurisë
18 Mars 2024, 09:18Politika
TEMA
Teksa jemi një vit nga marrëveshja e Ohrit, mes Kosovës dhe Serbisë, kryeministri Edi Rama ka reaguar në lidhje me ecurinë e procesit.
Me anë të një postimi në “X” Rama shkruan se teksa i afrohemi Këshillit Evropian të 21 marsi, është thelbësore të kuptojmë se zbatimi i Marrëveshje për Rrugën e Normalizimit të marrëdhënieve mes Kosovës dhe Serbisë, së bashku me Aneksin Zbatues, është i një rëndësie të madhe për ruajtjen e sigurisë, stabilitetit dhe paqes në Ballkanin Perëndimor.
Rama shton se për të siguruar progres, Marrëveshja dhe Aneksi Zbatues duhet të përfshihen zyrtarisht si pjesë përbërëse e proceseve përkatëse të anëtarësimit të Kosovës dhe Serbisë në BE.
Postimi i plotë:
Ndërsa i afrohemi takimit të Këshillit Evropian të 21 marsit, është thelbësore të kujtojmë se zbatimi i Marrëveshjes për Rrugën e Normalizimit të
Marrëdhënieve ndërmjet Kosovës dhe Serbisë, së bashku me Aneksin e saj Zbatues, është i një rëndësie të madhe për ruajtjen e sigurisë, stabilitetit dhe paqes në Ballkanin Perëndimor. Nuk mjafton vetëm njohja e Marrëveshjes që është ligjërisht e detyrueshme.
Për të siguruar progres, Marrëveshja dhe Aneksi i Zbatimit duhet të përfshihen zyrtarisht si pjesë përbërëse të proceseve përkatëse të anëtarësimit të Kosovës dhe Serbisë në BE.
Çdo vonesë për ta bërë këtë vetëm e forcon status quo-në. Dhe status quo-ja e këtij çelësi strategjik për një fqinjësi paqësore, të begatë dhe evropiane në mes të Evropës nuk i shërben vetë sigurisë së Evropës.
Më të lexuarat
24 oret e fundit
Javen e fundit
Blog Tema
Lini një Përgjigje