Peleshi pret homologun kroat: Forcojmë marrëdhëniet e shkëlqyera dypalëshe

Kryetari i Kuvendit të Shqipërisë, Niko Peleshi, priti sot (8 qershor) në një vizitë zyrtare Kryetarin e Parlamentit të Kroacisë, Gordan Jandrokoviç, me të cilin zhvilloi një takim të përqendruar në forcimin e mëtejshëm të marrëdhënieve strategjike mes dy vendeve.

Gjatë takimit, dy homologët vlerësuan nivelin shumë të lartë të marrëdhënieve shqiptaro-kroate, të mbështetura në partneritetin strategjik, vlerat e përbashkëta euroatlantike dhe vizionin e përbashkët për stabilitetin, sigurinë dhe integrimin europian të Ballkanit Perëndimor.

Kryetari Peleshi shprehu mirënjohjen për mbështetjen e vazhdueshme që Kroacia i ka dhënë Shqipërisë në procesin e integrimit europian, duke e cilësuar Zagrebin një partner të rëndësishëm politik dhe teknik në rrugëtimin drejt anëtarësimit në Bashkimin Europian. Ai ndau me homologun kroat progresin e Shqipërisë në negociatat me BE-në dhe vlerësoi hapjen e të gjithë grupkapitujve si një arritje historike për vendin.

Në fokus të diskutimeve ishte edhe dimensioni parlamentar i bashkëpunimit, ku të dy kryetarët theksuan rëndësinë e diplomacisë parlamentare në forcimin e marrëdhënieve dypalëshe. Ata shprehën gatishmërinë për të intensifikuar bashkëpunimin ndërmjet komisioneve parlamentare, grupeve të miqësisë dhe delegacioneve përkatëse, veçanërisht në fushat e integrimit europian, sigurisë dhe zhvillimit ekonomik.

Kryeparlamentari kroat Jandrokoviç vlerësoi avancimin e shpejtë, arritjet, qartësinë dhe vendosmërinë e Shqipërisë si vend pararojë mes vendeve kandidate drejt integrimit europian, rikonfirmoi mbështetjen e Kroacise si edhe nënvizoi gadishmërinë e  Parlamentit kroat për të mbështetur Kuvendin në aspektet politike e teknike të anëtarësimit.

Peleshi dhe Jandrokoviç ritheksuan gjithashtu rëndësinë e bashkëpunimit në fushën e sigurisë dhe mbrojtjes, duke vlerësuar nismën trilaterale Shqipëri-Kroaci-Kosovë si një kontribut konkret për forcimin e sigurisë rajonale dhe rritjen e bashkëpunimit ndërmjet aleatëve.

Gjatë takimit u diskutua edhe për zgjerimin e bashkëpunimit ekonomik, lidhshmërinë rajonale, projektet infrastrukturore dhe energjetike, si dhe potencialin për bashkëpunim më të madh në sektorin e turizmit. Palët ndanë bindjen se këto fusha përbëjnë shtylla të rëndësishme për zhvillimin e qëndrueshëm dhe integrimin e mëtejshëm rajonal.

Vizita e Kryetarit të Parlamentit të Kroacisë në Tiranë konfirmoi edhe një herë marrëdhëniet e shkëlqyera mes dy vendeve dhe angazhimin e përbashkët për forcimin e bashkëpunimit politik, parlamentar dhe strategjik në shërbim të paqes, sigurisë dhe perspektivës europiane të rajonit.

“Nuk jemi kundër investimeve të huaja, por …”/ Berisha shfrytëzon protestën për ëndrrën e tij të vjetër: Qeverinë teknike

15:30 Politika 5 komente

PD dorëzon në Kuvend shfuqizimin e 4 ligjeve

15:20 Politika 8 komente

Kërkohet shkarkimi i kryebashkiakut të Kuçovës, KAS e rikthen çështjen për vendimmarrje te Celibashi

15:10 Politika 1 koment

Ligji për Referendumet, Balla takim me Kancelarin e Kantonit të Bernës, Christoph Auer: Zvicra, modeli botëror i demokracisë së drejtpërdrejtë

15:00 Politika 2 komente

Begaj takon Jandroković: Kroacia mbështetje e palëkundur për anëtarësimin e Shqipërisë në BE

14:40 Politika 1 koment

Lea Ypi: Shikoni protestat që ka shkaktuar Jared Kushner në Shqipëri. Ky mund të jetë një sinjal shprese për Europën

13:47 Politika 75 komente

Rama akuzoi iranianët për luftë hibride, reagon Teherani: Ai po fajëson Iranin për të shmangur përgjegjësinë ndaj shqiptarëve!

13:00 Politika 20 komente

"E zeza e frikës është eliminuar nga Shqipëria" Deputetja e PS kthen një teke raki “për Shqipërinë Europiane” në 35-vjetorin e partisë

11:23 Politika 6 komente

FOTO/ Protesta amnisti për Berishën, jo burg!

11:14 Politika 30 komente

Ish ministrja: Neveri kur shikoj deputetë të PD që mbështesin tani protestën, si nuk kanë turp?

10:50 Politika 13 komente