Te fundit
Rama: Po me Paketën e Maleve ç’kanë Flamingot e Bulevardit? Zgjidhje që po tërheq mijëra emigrantë për të investuar në tokën e tyre
7 Qershor 2026, 11:40Politika
TEMA
Kryeministri Edi Rama ka reaguar edhe lidhur me kërkesën e protestuesve, të cilët kërkojnë anullimin Paketës së Maleve. Sipas tij, kjo nismë do të tërheqë mijëra emigrantë për t’u kthyer dhe investuar në Shqipëri.
Reagimi i plotë:
Po me Paketën e Maleve ç’kanë Flamingot e Bulevardit apo edhe ata që kanë tokat e trashëguara në Shqipërinë malore nuk duhet ta gëzojnë pronën e tyre, duke zhvilluar një agroturizëm, një punishte agropërpunimi, një fermë?!
Sot, ata nuk marrin çertifikatë me 7501-shin, se e kanë ndarë mesveti tokën sipas kufijve të vjetër dhe nuk e kanë pranuar asnjëherë 7501-shin, po duke mos pasur çertifikatë s’marrin dot as leje, as subvencione nga shteti, as financime nga fondet e BE-së, as kredi nga bankat.
Ndërsa Paketa e Maleve, e cila është zgjidhje e formësuar në vite që ka mbështetjen e tyre dhe po tërheq mijëra emigrantë për të investuar në tokën e tyre, mbyll boshllëkun ligjor, e hap rrugën e futjes së maleve në ekonominë tonë përmes zhvillimit të qëndrueshëm të turizmit.
Ah, zonat e mbrojtura, natyra, po, që do t’i shpëtojë revolucioni imagjinar, duke anulluar Paketën e Maleve?
Po Austria?
Kur flitet për zhvillimin në zonat e mbrojtura, shpesh krijohet përshtypja sikur zgjedhja është e prerë me thikë:
Ose natyrë.
Ose zhvillim.
Po në fakt, zonat e mbrojtura ndahen me kategori të ndryshme dhe kanë nivele të ndryshme mbrojtjeje, nga kategoria I ku ndërtimi përjashtohet totalisht tek për shembull kategoria V, si në pjesën gadishullore të Zvërnecit, ku qysh nga ligji i 2017-ës është e qartë se mund të ndërtohet me kushte të caktuara.
Alpet Austriake janë ndër peizazhet më të mbrojtura dhe më të qendisura në Europë. Brenda dhe përreth zonave të mbrojtura përgjatë tyre gjenden qindra fshatra alpine, hotele, resorte, teleferikë, qendra skijimi, shtigje turistike dhe infrastrukturë moderne që tërheqin miliona vizitorë çdo vit.
Rajone si Tiroli apo destinacione si Kitzbühel janë kthyer kaherë në marka globale të turizmit malor.
Megjithatë, askush nuk e thotë dot kurrë se Austria sakrifikoi Alpet për turizmin. Përkundrazi. Austria ndërtoi turizmin për Alpet.
Ata njerëz të mençuar e kuptuan nga të parët se peizazhi nuk ishte pengesë për zhvillimin, po ishte vetë themeli i zhvillimit.
Prandaj modeli austriak nuk ishte kurrë: “Mos ndërtoni asgjë.”
Por ishte:
“Ndërtoni me kujdes.
Ndërtoni me cilësi.
Ndërtoni aty ku duhet.
Mbroni atë që është e pazëvendësueshme.”
Sot turizmi gjeneron miliarda euro çdo vit për ekonominë austriake dhe mbështet qindra mijëra vende pune, ndërsa Austria mbetet një nga vendet me standardet më të larta të mbrojtjes së natyrës në Europë.
Pyetja nuk është nëse natyra dhe zhvillimi mund të bashkëjetojnë.
Pyetja është nëse kemi vizionin, dijen dhe disiplinën për t’i bërë ata aleatë të njëri-tjetrit, duke rritur qëndrueshmërinë mjedisore të vendit dhe ekonominë shqiptare falë një turizmi cilësor me të ardhura të larta.
Sepse kur natyra trajtohet si pasuria më e madhe e një vendi, ajo nuk mbrohet duke e izoluar nga ekonomia, po duke e kthyer në zemrën e ekonomisë.
Prandaj, e përsëris:
BUDALLALLËKU QË E KA MBAJTUR SHQIPËRINË PENG 100 VJET, S’KA PËR TA NDALUR DOT TË VAZHDOJË RRUGËN E NISUR PËR TA FUTUR KËTË VEND NË LIGËN E KAMPIONËVE TË TURIZMIT BOTËROR
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shkodranet thins o je i marre o ben vete! Malet, det e bregdet a nuk jane Shqiperi?! I gjithe vendi e shoqeria po vuan politikat e tua antikombetare dhe antidemokratike. Ata qe kane bere trafik droge, kane vjedhur pronat e taksat publike ne vend qr ti fusni ne burg, u jepni Shqiperine ta shtrydhin e dhjesin! Jo more debil, jo! A e njeh demokracine direkte??!!
Flamingot e bulevardit jan antar tē Partisē shqipëria bēhet dhe jo aktivist tē shoqēris civile.Gjithē puna 13 vjeçare e PS-sē ēshtē nē pykpyetje.Iku koha kur vendimi qeveris merrej vetēm me dijenin e kryetarit tē PD-sē.Sot qytetarēt jan tē braktisur nga qeveria, ndaj largohen familjarisht ose vetēm. Papunēsia, qeraja ,shkollimi, sēmundjet kronike, çmimet e ushqimeve tē shportēs nē rritje., bējn qē qytetari tē jet i bindur as vet dhe as qeveria nuk e nxjerrin nga gropa mutit qē ndodhet i zhytur deri nē qafē. Qytetari u lodh nga propaganda Berisha 36 vjeçare dhe mashtrimet Rama 13 vjeçare. Njerzve ju mohoen tē drejtat themelore pēr tē jetuar, ku disa mbledhin kanoqe pēr tē mbijetuar, disa zhyten nē kazana plehrash, disa kryejn marrdhēnie intime pēr shuma derizuar, disa vjedhin pēr tu burgosur, dhe disa tē tjerrē kan parē tē arsyeshme tē masakrojn familjen.Kēta probleme dihen si nga Presidenti Republikēs, ministrat, kryetart e bashkive, kryeplaku fshatit, kryefamiljari, diplomatēt e huaj nē vēndin tonē, shtetet fqinje apo ata tē BE-sē, por zgjidhja s'ka qēnē kurrē e mundur, ndaj tubimi ishte i pashmangshēm si nga diadpora qē din arsyet e kargimit tē tyre, po dhe nga vet ata qē pohojn " paradite punojm, pasdite protestojm".