Procesi i rinumërimit të votave për qarkun e Tiranës vijon me intensitet, ndërsa deri më tani janë rinumëruar 793 kuti votimi, mbi gjysma e totalit të kutive në këtë qark.
Sipas të dhënave paraprake, procesi nuk ka ndikuar në shpërndarjen e mandateve të fituara nga partitë në rezultatin paraprak.
Anëtari i KAS, Ledio Braho tha se numri i votave të vlerësuara gabim në numërimin e parë ka qenë i ulët dhe futet te marzhi i gabimit njerëzor.
“Nga procesi i numërimit kjo shifër rreth 400 vota është irrelevante nga numri i votave që ka fituar Partia Demokratike, unë këtë e konsideroj gabim njerëzor. Nuk ka lëvizje të mëdha të votave”, tha qanëtari i KAS.
Ai u shpreh më tej se ky proces i rinumërimit të votave në Tiranë ka shërbyer për të pasur një transparencë më të plotë.
“Ky proces ia vlen sepse i shërben transparencës, ia vlen sepse pastron baltën nga procesi i numërimit, hedh poshtë pretendimin për trafikim prej mijëra votash. E vetmja mënyrë për të bërë transparencë, është rivlerësimi dhe rinumërimi i fletëve të votimit.”
irrelevante, ne gjuhen portugeze (Brazil) - e parëndësishme, ne gjuhen shqipe