Te fundit
Samiti në Shkup: O’Brien-Rama dy protagonistët. Shqipëria dhe SHBA, liderët e rajonit
22 Janar 2024, 17:58Politika
TEMA
Analisti Mentor Nazarko i konsideron Ndihmëssekretarin amerikan i Shtetit për Çështje Europiane dhe Euroaziatike, James O’Brien dhe kryeministrin Edi Rama, si dy protagonistët kryesorë të Samitit të mbajtur në Shkup këtë të hënë.
Në një intervistë për “Newsline” në ABC News, Nazarko u shpreh se Shqipëria dhe SHBA mblodhën liderët e rajonit në këtë samit që kishte vulë BE-je, por BE ishte e përfaqësuar me drejtorin e zgjerimit.
Sipas Nazarkos, Shqipëria, përmes kryeministrit Rama forcoi edhe faktorin shqiptar në Maqedoninë e Veriut.
“Mendoj që dy kanë qenë protagonistët e këtij samiti, OBrien dhe Rama. James O’Brien është zyrtari më i lartë amerikan që merret në baza ditore me Ballkanin: bashkëautor në Marrëveshjen e Dejtonit dhe në atë Rambujesë, pra një ekspert i madh i rajonit, sepse me një etiketë- Plani i Rritjes së Bashkimit Evropian për Ballkanin, mblodhi liderët e Ballkanit, vecanërisht ata që nuk janë ulur në format të tillë si Vucic dhe Kurti. Protagonisti i dytë ishte Rama, Shqipëria, arriti të afirmonte fuqinë e rolit shqiptar në rajon. Ishte prania joprotokollare në darkën e kryetarit të Bashkimit Demokratik për Integrim Ali Ahmeti dhe zv.kryeministrit Grubi , pra dy përfaqësues të qeverisjes shqiptare në Maqedoninë e Veriut krahas djalit të Soros.
Momenti i dytë që e spikati Shqipërinë, një prani të shtuar të faktorit shqiptar ka qenë investimi i koordinuar- supozoj- me amerikanët për atë që do të jetë konfigurimi i qeverisë së ardhshme në Maqedoninë e Veriut ku do ketë zgjedhje parlamentare dhe presidenciale. Rama u pa afër Kurtit pas një kohe ngrice mes tyre, por u panë edhe afër- me gjasë të koordinuar mes vedi, me shtysën e O’Brienit- supozoj po ashtu- me Arben Taravarin, kryetarin e ASH, një partie shqiptare kyç për nga shkon peshorja në zgjedhjet e ardhshme. Pse dhe O’Brien që u pa kokë më kokë me Kurtin në Davos ngjan i përfshirë në atë takim tresh? Sepse Kurti dhe Rama deri para këtij takimi ngjanin se mbështetnin dy subjekte të ndryshme- Rama-BDI dhe Kurti- opozitën shqiptare atje. Tani u panë bashkë në negociata me një parti kyçe si ASH.
Shqipëria pra arrin me siguri, me ndihmën e SHBA, edhe e koordinuar me Kosovën të peshojë se cilat do të jenë zhvillimet e ardhshme në Maqedoninë e Veriut.
Përfshirja e O’Brien, krahas Shqipërisë, Ramës, në një aktivitet si Samiti i Shkupit (BE takon Ballkanin me mblesërinë amerikane) tregon rikthimin me qasje proactive të Presidencës Biden, pra faktorit amerikan në Ballkan, që në 4 vjet e mbështeste nga jashtë dialogun. Me gjasë ky rikthim përcaktohet edhe nga frika e rikthimit të Trump në Shtëpinë e Bardhë, i cili favorizonte Ballkanin e Hapur (asokohe Minishengenin) me para apo financim amerikan. Shqipëria, bashkë me SHBA bëri kësisoj bashkë liderët e rajonit dhe forcoi faktorin shqiptar në Maqedoninë e Veriut që si dhe më herët ka në dorë kahjen e orientimit të vendit fqinjë”, theksoi ai./abcnews.al
/abcnews.al
7 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju keni pjerdhur nga trute
Jo mo se e kane pre verteti, a nuk jena fanar drite ne buze te Adriatikut!
Dy luane ka sot bota/ nje Amerika , nje Evropa. Eh mor MentorZiu. E ke shkri talentin. Njesoj sikur ja merr Olsit ne goje.
Ha, ha, ha...! Si nuk u gjet nje i sakte ne ate Shqiperi te mjere?
Po si të gjëndet o Zyko ? Një që ishte (zotrote) , iku në drejtim të paditur ... Prandaj ne të tjerët duhet të bërtasim të gjithë bashkë : Zyykooo - ktheeuuu aman të shpëtosh kombin ...
Po boll o "burra" kurva folet per nipin e Spiro Kolekes, kaq shume nuk eshte shkruar e folur per Skenderbeun, na cat carin.
O si lum ne populli i Albanistanit . Udheheqesi yne po ben politike globale. Vetem se populli perfiton vetem cerekun e fondeve per fryme krahasuar me Greqine si vend jo i denje per anetare i BE-se.