Te fundit
Samiti në Spanjë/ Rama për sulmin në veriun e Kosovës: Situatë e rrezikshme, duhen marrë masa sa nuk është vonë
5 Tetor 2023, 14:05Politika
TEMA
Kryeministri Edi Rama duke folur për gazetarët përpara se të nisë takimi i Komunitetit Politik Europian ka deklaruar se situata në veri të Kosovës është e rrezikshme, pas vrasjes së policit.
Rama kërkoi që veprimi i Serbisë që mbajti zi për të vrarët nga grupi terrorist që ekzekutuan policin e Kosovës Afrim Bunjaku, është e papranueshme dhe duhet të dënohet nga BE-ja.
“Jemi të shqetësuar sepse është situata e rrezikshme, tani është një pikë ku vit pas viti potenciali i rrezikut është rritur, aktivitetet kriminale në atë pjesë ku pakica serbe është më tepër e përqëdruar, tani janë lidhur me axhendën politike kështu që është shumë e rrezikshme.
Në këtë rast ka nevojë që autoritetet e Kosovës të lëvizin përpara dhe të tregohen proaktivë në dialog dhe të marrin në konsideratë planin franko-gjerman që është një marrëveshje shumë e mirë për Kosovën dhe rajonin.
Por në të njëjtën kohë, vetëm fakti se Republika e Serbisë ka deklaruar ditë zie për anëtarët e grupit kriminal paramilitar që vrau policin, është e mjaftueshme për të thënë që kjo nuk është europiane, nuk është e pranueshme”, tha Rama.
Pyetjes së gazetarëve nëse i druhet një lufte, Rama iu përgjigj: “Lufta është fjalë shumë e madhe, por përpara se të jetë vonë duhen ndërmarrë disa hapa. Ne jemi duke e ndjekur nga afër”.
Në takimin e Komunitetit Politik Europian që mbahet në Granada, marrin pjesë 47 shtete, nga të cilat 27 janë anëtare të BE-së.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
behet fjal per nji Shtet Terrorist Serb qe Te Fortet e perdorin ne Rajon si Mekanizem destabilizimi e pasigurie ,qe nuk i sherben aspak Paqen dhe eshte shembulli me Negativ i perkedhejes qe Te Fortet i bejne ,pas cdo Samiti apo Bisedimesh Nderkombetaresh , qe shpesh her degradojne ne takime Formale ,pa asnji Rezultat . Kjo eshte Fakt . Sherrbia duhet te shpallet ne kte Samit -Shtet Terrorist jo se duan shqiptaret etj ne Bote por sepse_________ eshte Fakt .
Po Rifat Jashari cfare Mendon,se u bashkua dhe ai korit te kukuvajkave anti Rama qe drejtohet nga dyshja Sali-Kurti.
a nuk ishte ky kaqolja qe thoshte se ushtria afer kufirit eshte kot se ska shanc kemi NATON etj tani eshte fiksesuar? I ngjitet cdo lajmi nga pas per tu dukur gjoja dhe mer ne qaf kosoven
Po more e ka thënë! Pse, për ngjarjen e fundit, cilët i dhanë ultimatum Vuçiçit të largonte urgjent trupat nga afërsia e kufirit me Kosovën. Albini apo Biden? Sigurisht i dyti. Dhe cili është ky i dyti, a nuk është kryekomandanti i NATO-s?