Te fundit
Sondazh: 43% e shqiptarëve s’duan kryeministër as Ramën, as Berishën, as Bashën e as Metën! Vetëm çereku shpresojnë tek opozita e bashkuar
16 Shkurt 2024, 20:50Politika
TEMA
Nga Eduard Zaloshnja
Eksponentë të opozitës po shfaqin optimizëm për një fitore më 2025. Shtysë për këtë optimizëm të tyre është bërë krijimi i një konfederate të Rithemelimit me fraksione e parti të vogla opozitare, si dhe sondazhet më të fundit amerikane, që tregojnë se Trump ka aktualisht epërsi ndaj Biden në garën presidenciale.
Po ç’mendojnë shqiptarët e thjeshtë për gjasat e fitores së opozitës më 2025?
Në një sondazh elektronik për shqiptarja.com, që e zhvillova sot me 2000 SMS krejt të rastësishme (të dërguara në gjithë territorin e vendit), bëra këto tri pyetje: “1-A mendoni se Konfederata e Rithemelimit me partitë e vogla opozitare do të ndikojë për një fitore të opozitës më 2025?”, “2-A mendoni se një fitore e Trump-it në SHBA do të ndikonte për një fitore të opozitës më 2025?”, dhe “3-Kë doni të jetë kryeministër më 2025?”. Sondazhin e mbylla kur u plotësua një kampion kombëtar prej 1100 të anketuarish, përfaqësues të banorëve të rritur të vendit, gjeografikisht, demografikisht e politikisht.
Më poshtë vijojnë përgjigjet e të anketuarve.
Vetëm çereku i të anketuarve anojnë nga mendimi se Konfederata e Rithemelimit me partitë e vogla opozitare do të ndikojë për një fitore të opozitës më 2025 (konkretisht, 18.2% janë përgjigjur “Po”, dhe 6.3% “Anoj nga po”). Nga një ekstrapolim i përafërt statistikor, rezulton se rreth 500 mijë banorë të rritur janë tek “po-ja” ose anojnë nga “po-ja”. Nga ana tjetër, rezulton se përafërsisht 1 milion e 550 mijë banorë të rritur nuk janë të mendimit se Konfederata e Rithemelimit me partitë e vogla opozitare do t’i rrisë gjasat për një fitore të opozitës më 2025. (Shënim: Vjet më 14 maj, rreth 500 mijë zgjedhës votuan për kryebashkiakë të Bashkimit për Fitore, ndërsa rreth 800 mijë votuan për kryebashkiakë socialistë.)
Ndër të anketuarit, 30% anojnë nga mendimi se një fitore e Trump-it në SHBA do të ndikonte për një fitore të opozitës më 2025 (konkretisht, 21.4% janë përgjigjur “Po”, dhe 8.6% “Anoj nga po”). Nga një ekstrapolim i përafërt statistikor, rezulton se rreth 615 mijë banorë të rritur janë tek “po-ja” ose anojnë nga “po-ja”. Nga ana tjetër, rezulton se përafërsisht 1 milion e 435 mijë banorë të rritur nuk janë të mendimit se një fitore e Trump-it në SHBA do t’i rriste gjasat për një fitore të opozitës në Shqipëri. (Shënim: Vjet më 14 maj, rreth 500 mijë zgjedhës votuan për kryebashkiakë të Bashkimit për Fitore, ndërsa rreth 800 mijë votuan për kryebashkiakë socialistë.)
Plot 43% e të anketuarve (përfaqësojnë statistikisht rreth 882 mijë banorë të rritur) duan që kryeministër të jetë dikush që s’e ka emrin as Edi Rama, as Sali Berisha, as Lulzim Basha, e as Ilir Meta. Më pas, lista e preferencave vazhdon si më poshtë:
Ramën e duan kryeministër 37.1% e të anketuarve (përfaqësojnë statistikisht rreth 761 mijë banorë të rritur); Berishën 15.1% e të anketuarve (përfaqësojnë statistikisht rreth 310 mijë banorë të rritur); Bashën 3% e të anketuarve (përfaqësojnë statistikisht rreth 62 mijë banorë të rritur); dhe Metën 1.8% e të anketuarve (përfaqësojnë statistikisht rreth 37 mijë banorë të rritur).
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ik mor gabel
Ky eshte trap
310 mije budallenje akoma me Berishen. O perendi o perendi..!
Nuk kane shprese keta. Ju ka fut cipin ne kok Saliu.
Unë vetë nuk e dua Ramën, por do e votoj sepse ana tjetër është e frikshme. Berisha sërish në pushtet, dmth 30 vjet kthim pas.
E pa besueshme, si ka mundesi qe shqiptaret londinez te mos duane hajdutet per udheheqes?
Mos të duan ty kryeministër, dhe nuk e thua. Çfarë do të bësh ti, prapë këlysh i Berishës je ! Nuk heq dorë nga kërrma ti.
Problemi eshte se kush jane pyetur?Ata qe jane aty ose jane te Rames ose te Saliut dhe Metes.Te tjeret mungojne dhe nuk ju intereson se cfare ndodh ne vendin e maskarenjve!