"Të mërkurën do të ngremë çështjen Xhaçka", Bardhi: Nuk ka tërheqje, do t'i hetojmë të 4 koncesionet në Shëndetësi

1 Prill 2024, 21:52Politika TEMA
"Të mërkurën do të ngremë çështjen

Të katërta koncesionet (jo vetëm dy prej tyre) do të hetohen nga Komisioni Parlamentar për Shëndetësinë. Kjo është ajo që ka deklaruar kryetari i Grupit Parlamentar të Partisë Demokratike, Gazment Bardhi, mbrëmjen e së hënës në studion e “Debat”.

Bardhi shpjegoi se, duke u nisur nga pretendimet e mazhorancës, opozita zgjodhi një strategji për t’i hetuar të katërta kontratat. Më konkretisht, për hetimin parlamentar u janë vënë në dispozicion gjashtë muaj.

Kështu, siç shpjegoi nënkryetari i PD-së së Rithemelimit, do të shkurtohet koha e hetimit dhe kontratat do të hetohen dy e nga dy. Katër muaj për dy kontratat e para, dhe më pas katër muaj të tjerë për dy kontratat e tjera.

“Nuk ka asnjë tërheqje, mazhoranca ka kërkuar që objekti i kërkesave të kontratave konçensionare në shëndetësi duhet të jetë konkret. Pra nuk mund të hetohen të katërta kontratat se i bie të hetohet i gjithë sistemi i shëndetësisë...Dhe kjo është strategjia jonë,” shtoi Bardhi.

Sa i përket betejave të tjerë të opozitës, tashmë që jeta parlamentare i është kthyer normalitet, Bardhi theksoi se mandati i ish-ministres Olta Xhaçka do të jetë po ashtu në fokus.

“Ai vendim i Kushtetueses duhet të zbatohet. Nëse kemi drejtësi të re, më e pakta që mund të bëjmë, është t’i zbatojmë vendimet e saj.”

Të mërkurën do të mblidhet Konferenca e Kryetarëve, dhe Gazment Bardhi u zotua që mandati i Xhaçkës do të jetë një në fokus të bisedimeve.

“Nëse kjo nuk ndodh në këto dy seanca, pasojat i ka ligji për Kushtetutën. Nikolla nuk lejohet ta ekzekutojë vendim. Pas saj fshihet vullneti i Ramës për të mbrojtur ish-ministren e tij,” shtoi kreu i Grupit të PD-së i cili shtoi se do të ketë kallëzime penale për çdo zyrtar publik që mund të pengojë ekzekutimin e vendimit të Kushtetueses.

2 Komente

  1. A
    Arber

    Keta te PD-se jane kthyer ne nje cete bashibozukesh . Njelloj so ai palla Sali , do luftojne kunder Amerikes , Don Kishotet moderne , Drejtesia e munguar eshte problemi i ketyre 30 viteve , e cola ishte ideuar nga Saliu dhe perkrahur nga Meta , dhe anashkaluar nga Fatos Nano , Te tre autoret e korrupsionit shqipetar . RAma eshte faza ndermjetese , nje lloj hibridi , Rradhen e ka dikush me guxim dhe reputacion qe te nxherre jashe loje te siperpermendurit . Ky Bardhi eshte shume soft per kete pune , Me mire lot rolin e ''amvises''

    1. S
      Shkembi

      O qelbesire, po vrasjen e Xhuvanit ne Elbasan, kur do e ngrini??? Bej qejf i palaco sa te vazhdoje te flej gjume drejtesia!

      Lini një Përgjigje