Te fundit
Çuçi: Reforma në Drejtësi me rezultatet më të jashtëzakonshme për Shqipërinë, PS s'do t’i bëhet mburojë askujt
14 Korrik 2022, 13:57Politika
TEMA
Ministri i Brendshëm, Bledi Çuçi e ka cilësuar Reformën në Drejtësi si më të suksesshmen në Shqipëri. Ai ka renditur gjatë fjalës në Kuvend disa nga arritjet e Drejtësisë së Re. Edhe pse e cilësoi një proces të vështirë që do kohë të konsolidohet, Çuçi shprehu bindjen se drejtësia do të vijojë të japë rezultatet që mazhoranca i premtoi shqiptarëve.
Çuçi: Askush nuk e ndalon Prokurorinë të hetojë. PS nuk i është bërë mburojë askujt deri më sot dhe nuk do t’i bëhet. Është një moment shumë i mirë që ne të bëjmë një bilanc të reformës m,ë të rëndësishme të një shoqërisë siç është Reforma në Drejtësi. Është marrë me seriozitet që ditën e parë nga maxhoranca jonë, është mbështetur nga partnerët që na asistojnë në ngritjen e institucioneve dhe e kundërshtuar herë haptas, herë nën rrogoz nga eksponentë të opozitës. Reforma në Drejtësi, si më e madhja për një shoqëri duhet parë si një mozaik të cilit duhet t’i largohesh pak për të parë se çfarë efektesh ka dhe si është ndërtuar deri në këtë moment.
Në një bilanc 5 vjeçar është një nga reformat me rezultatet më të jashtëzakonshme për Shqipërinë. Për herë të parë të realizohet procesi i vetingut. Së dyti janë krijuar dhe janë tërësisht funksionale institucionet e reja, KLGJ, KLP, ILD dhe Këshilli i Emërimeve në Drejtësi. Është ngritur një strukturë për luftën kundër krimit të organizuar dhe korrupsionit. Për herë të parë drejtësia është një pushtet i pavarur dhe po kryen funksionin për të cilin është krijuar. Besoj se ne e kemi fituar betejën me shqiptarët kur i premtuam një drejtësi të pavarur. Askujt nuk i shkonte ndërmend derisa ka filluar të funksionojë sistemi i ri i drejtësisë se kryetarë bashkish, ministra të partisë qeverisëse janë hetuar po hetohen dhe ka akoma për të bërë.
Ministri theksoi se nuk është e lehtë pasi është një proces që kërkon kohë të konsolidohet por vetëm duke ngritur sisteme të qëndrueshme do krijohet një shtet i qëndrueshëm.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ore maskarenj ku i keni veprat konkrete?!Funksjonimi i reformes do kishte kuptim vetem neqoftese ne kete moment do diskutohej vetem per mungese burgjesh dhe jo per gje tjeter.Mashtrues te ndyre qe e bete popullin te ike e te mos e ktheje koken pas,pa pasur asnje shprese se do filloje dicka pozitive ne kete vend kriminelesh!Po kalojne vitet dhe keshtu do thoni edhe pas 10 vitesh!Nuk genjehet me ky popull nga plehrat si ju!