Te fundit
VIDEO/ 77 mënyra për mosbindje civile, Berisha i kthehet stilit të Metës së vitit 2008
10 Tetor 2024, 13:42Politika
TEMA
Në vijim të protestës së organizuar nga Partia Demokratike ditën e hënë, Sali Berisha është shprehur se opozita ka në dispozicion "ngujime, greva, bllokime rrugësh... 77 mënyra për mosbindjen civile," duke lënë të hapur edhe mundësinë e një greve urie, një veprim të ngjashëm me atë të organizuar nga Ilir Meta në vitin 2008. Në atë kohë, Meta dhe Lëvizja Socialiste për Integrim, së bashku me parti të tjera opozitare, kundërshtuan ashpër marrëveshjen e nënshkruar mes Edi Ramës dhe Sali Berishës për ndryshimet në kodin elektoral, të cilat konsideroheshin të njëanshme dhe të padrejta nga opozita e kohës.
Protesta e udhëhequr nga Meta kulmoi në një grevë urie, kur 10 deputetë të LSI-së bllokuan sallën e seancave plenare në Kuvend, duke ofruar një skenë të tensionuar në politikën shqiptare.
Megjithatë, Berisha, i cili asokohe ishte kryeministër, zgjodhi ta injoronte grevën e urisë së LSI-së, duke mos iu përgjigjur kërkesave të tyre dhe duke e përshkallëzuar më tej krizën politike. Indiferenca e qeverisë shkaktoi një reagim të ashpër tek Meta, i cili madje u hodh me forcë në një sulm të paprecedent mbi karriget e kuvendit të ministrave, deri tek tavolina e Jozefina Topallit. Ai arriti deri te tavolina e kryetares së Kuvendit, Jozefina Topalli, në një akt simbolik të sfidës dhe zemërimit politik, duke i dhënë protestës një ton edhe më dramatik.
Ironikisht, Berisha, i cili në vitin 2008 e injoroi pa hezitim grevën e urisë së organizuar nga Ilir Meta dhe LSI, tani duket se është gati të përqafojë të njëjtën formë proteste si një mjet për presioni ndaj qeverisë. Ndërkohë që asokohe si kryeministër zgjodhi të mos i kushtonte vëmendje aktit ekstrem të opozitës, sot, në pozicionin e tij si lider opozitar, po përpiqet ta përdorë grevën e urisë si një mënyrë legjitime të rezistencës dhe mosbindjes civile.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Edhe problem i madh kur pena bie ne doren e injorantit. Eshte njesoj si pushka ne doren e kriminelit. Gazekari qe e ka me te degjuar duhet te mesoje qe Meta eshte hedhur mbi tavolina ne vitin 2006, per anetarin e AMA-s qe iu hoq etj. Ndersa greva eshte dy vite me vone.
O MILET, PO TA KISHTE THYER DIKUSH TJETER KAQ SHPESH ARRESTIN SHTEPIAK E KISHIN RRASUR NE BURG ME VRAP! PSE RAMA I BEN PRIVILEGJ KETIJ? KAQ ESHTE E GJITHE LOJA E ULET E TE DYVE... AI NUK ESHTE NE ARREST SHTEPIE POR REGJIM SHTEPIE... DREJTESIA JASHTEQITJE E POLITIKES MBETI GJITHNJE KETU, FATKEQESISHT... ZOT RUAJE KETE POPULL...
Ishin 77 tani ngelen 76 kur te vije 69 nuk e di nese Gida e pelqen.