Te fundit
VIDEO/ Besnikët e Berishës rikthehen në Kuvend: Kush janë emrat?
27 Gusht 2025, 12:27Politika
TEMA
Me nisjen e legjislaturës së re, disa prej figurave të përjashtuara dikur nga Lulzim Basha pritet të rikthehen në Kuvend, tashmë nën drejtimin e Sali Berishës.
Në vitin 2017, Basha i largoi nga grupi parlamentar emra të njohur si Jozefina Topalli, Gent Strazimiri dhe Igli Cara. Të tre janë rikthyer këtë herë në listat fituese të Berishës.
Në radhët e demokratëve kthehen gjithashtu edhe Klevis Balliu, Bardh Spahia dhe Ledina Alolli, të cilët kishin qenë pjesë e PD-së, por nuk u rikandiduan nga Basha në zgjedhjet e vitit 2021.
Megjithatë, përbërja e re ka ngjallur pakënaqësi të theksuara brenda partisë. Grupi parlamentar i PD-së është zvogëluar, pasi Berisha i dha hapësirë edhe aleatëve politikë, duke lënë jashtë listave disa prej figurave tradicionale të partisë.
Burime nga brenda PD-së pohojnë se pakënaqësitë e të përjashtuarve janë rritur, ndërsa ngelet për t’u parë nëse këto tensione do të shpërthejnë në forumet drejtuese të partisë apo do të mbeten vetëm reagime sporadike në rrjetet sociale. / TemA
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Joooooo nuk i njohim zgjedhjet ishin masaker elektorale bandat narkoshteti narkorregjimi Sorosi Vucici rregjimi protest protest madheshtore .....per sa kohe ka Vrenoze keta komunist do tallin trapin me ata qe i votojne
Ed Rama ka lindur me kemishe, e mpaku dhe kompozoi PD sic i desh suma, e ketej e tutje do ti degjeneroje perfundimisht ne syte e shqiptareve.
Igli Cara , me sa e njoh unë , di që eshte një person me integritet që nuk është jesmen i Berishës . Ne listën e mbyllur Berisha e futi i detyruar nga presioni i demokratëve durrsake . Po të mos ishte Berisha në krye të PD , sot Igli Cara do të ishte kryetar i Bashkisë së Durrësit .