Te fundit
VIDEO/ Protestat për Zvërnecin, Spaho: konglomeratë ku janë pjesë fondamentalistë të qarqeve antishqiptare
7 Qershor 2026, 20:50Politika
TEMA
Shqipëria ndodhet përballë një shansi historik për t'u shndërruar në një destinacion të turizmit elitar, thotë ish-deputeti demokrat Edmond Spaho. Në një intervistë për Tema, Spaho thekson gjithashtu se dy projektet madhore të nivelit më të lartë ndërkombëtar, të planifikuara në Zvërnec dhe ishullin e Sazanit, rrezikojnë të mbeten peng i agjendave të errëta.
Spaho i sheh këto kundërshti si një përpjekje të orkestruar nga qarqe me qëllime antishqiptare. Sipas tij, pretendimet për dëmtimin e natyrës dhe mungesën e transparencës shërbejnë thjesht si pretekste për të bllokuar zhvillimin.
“Ata që do të investojnë nuk kanë asnjë interes të dëmtojnë mjedisin. Përkundrazi, interesi i tyre është që turizmi të bashkëjetojë në harmoni me natyrën, pasi për këtë janë të specializuar”, shprehet ai, duke hedhur poshtë shqetësimet e ngritura.
Sa i përket mungesës së transparencës, ish-nënkryetari i Kuvendit zgjedh gjithashtu të jetë i rezervuar në kritikat ndaj qeverisë. Ai argumenton se dhënia e lejes së zhvillimit është pikënisja e gjithë procesit, e cila më pas pasohet nga procedurat e nevojshme studimore, vlerësimet mjedisore dhe seancat dëgjimore me komunitetin lokal e të tjera.
Por, vëmendja e Spahos përqendrohet te natyra e protestave. Duke iu referuar ditëve të para të tubimeve, ku mes protestuesve vihen re jo vetëm ambientalistë, por edhe qytetarë me kundërshti të thella ndaj qeverisjes, ai e përshkruan turmën si një konglomerat.
“Në këto protesta shoh një përzierje rrymash, që nga fondamentalistë të ndryshëm, e deri te marksistë-leninistë”, thekson Spaho, duke ngritur pikëpyetje të forta mbi drejtuesit dhe programin e vërtetë të këtyre lëvizjeve.
Sipas tij, nuk bëhet fjalë për kauza të pastra, por për lëvizje të nxitura nga qarqe të huaja antishqiptare që duan të pengojnë hyrjen e kapitalit perëndimor në vend.
Në këtë linjë, ai lëshon një thirrje të drejtpërdrejtë për ish-kolegët e tij demokratë dhe opozitën në tërësi: të mbështesin fuqimisht investimet amerikane në Zvërnec dhe Sazan.
Spaho kërkon distancim ndaj protestave që sipas tij po e dëmtojnë këtë mundësi zhvillimi, duke i kërkuar opozitës t'i qëndrojë besnike qëndrimeve të saj fillestare në mbështetje të projektit amerikan.
Spaho thotë veç të tjerash se protestat e nisura prej një jave duken edhe si një faktor që po dëmton drejtpërdrejt procesin e integrimit në BE.
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
WITHOUT FREEDOM OF SPEECH, WE WOULD NOT KNOW WHO THE IDIOTS ARE - PA LIRINE E FJALES, NUK DO T’A DINIM SE KUSH JANE IDIOTET! Pra keshtu na jepet mundesia qe te kuptojme se kush jane keta PROSTITUSIT pro-naziste. VFLP
PROSTITUSIT qe therrasin me parrullat e kolaboracionisteve te fashizmit (ballisteve) : Shqiperia e shqiptareve, vdekje tradhetareve, jane si hajduti qe therret : kapeni hajdutin! PROSTITUSIT e kane vendin ne Bordello! VFLP
Edhe ky Ufo-ja , eshte pjese e gardes se vjeter te politiKAReve qe duhet te zbythen nga politika bashke me padronin e tij dhe te tjeret !!!!!
Spaho e paska gjetur një vend pune pas largimit nga PD. Qënka bërë shërbëtor i rilindjes. Dmth njerëz që protestojnë për hallet e tyre, problematikat, varfërinë, arsimin, korripsionin, emigrimin etj qënkan qarqe antikombëtare? Si të vjen turp u faqezi???? _______________________ https://www.panorama.com.al/politico-be-paralajmeron-shqiperine-projekti-i-zvernecit-mund-te-rrezikoje-anetaresimin-ne-union/#gsc.tab=0
https://www.gazetatema.net/politika/be-paralajmeron-shqiperine-per-projektin-e-lidhur-me-kushnerin-mund-te--i566286
Po e vertet brenda protestes ka shume antishqiptare .
Me vjen me keq per ato qe te kane vënë like se e hënë neser e prap do çojnë gruan te drejtori për një rrogë.
Kjo zollomahi rrymash e idesh të kujton "vitin e mbrapsht" të Ismail Kadaresë kur njerëz të çartur krijonin nga një çetë bënin tutje pér të çliruar atdheun, pa ditur ku shkonin. Kur takonin një çetë tjetër e donin të bashkohen, ziheshin me njeri tjetrin kush të bëhej komandant. Më takon mua se kam topin, thoshte i pari. Jo, mua se kam vulën, thoshte i dyti. E kjo histori që dihet si mbaroi, ende po vazhdon.
Jepini nai llokem këtij si Dash Sules amon se vdiq.