Te fundit
Abdixhiku refuzon koalicionin qeverisës me Kurtin: Të bëhet qeveri tranzicioni deri në zgjedhjen e presidentit të ri
6 Maj 2025, 15:03Rajoni
TEMA
Kryetari i Lidhjes Demokratike të Kosovës, Lumir Abdixhiku, njoftoi të martën se i ka ftuar të gjitha partitë parlamentare shqiptare të takohen së bashku për ta formuar një qeveri tranzicionale dhe “unifikuese”.
Propozimi i Abdixhikut vjen pas një letre që ai e mori nga partia fituese e zgjedhjeve të 9 shkurtit, Lëvizja Vetëvendosje, për koalicion qeverisës dhe pas dështimeve të njëpasnjëshme për formimin e institucioneve të reja rreth tre muaj pas zgjedhjeve.
“Propozojmë nisjen e një procesi të ri politik. Në përputhshmëri me këtë, LDK-ja propozon nisjen e këtij procesi me të gjitha partitë për nisjen e një qeverie nacionale të tranzicionit”, tha Abdixhiku në një konferencë për media në Prishtinë.
Abdixhiku e hodhi poshtë ofertën e liderit të Vetëvendosjes, Albin Kurti, për formimin e koalicionit qeverisës LVV-LDK, duke thënë se qëndrimet e partisë së tij nuk kanë ndryshuar.
“E kam vlerësuar të pamundur bashkëpunimin me Kurtin”, tha ai.
Abdixhiku tha se i ka ftuar liderët e partive parlamentare dhe se e fton edhe Kurtin, për takim konsultativ për ta nisur këtë proces.
“Po flasim për qeveri nacionale të tranzicionit, të unitetit të tanishëm, të domosdoshëm për Kosovën dhe me afat të shkurtër. Me kryeministër dhe kabinet unifikues deri në zgjedhjen e presidentit të Kosovës”, tha ai.
Abdixhiku tha se disa prej liderëve të partive parlamentare kanë shprehur gatishmëri për këtë.
Vetëvendosje i fitoi zgjedhjet e 9 shkurtit, me rreth 42 për qind të votave, apo 48 ulëse, që është pamjaftueshëm për të qeverisur e vetme.
Pas LVV-së më së shumti vota fitoi PDK, me 24 ulëse, e pastaj LDK-ja me 20 sosh.
AAK dhe Nisma i fituan tetë ulëse, prej të cilave tri i takojnë kësaj të fundit.
Procesi ka ngecur në konstituimin e Kuvendit të ri të Kosovës, për shkak të dallimeve të mëdha mes partive parlamentare në lidhje me kandidaten e propozuar nga Vetëvendosje për kryetare të Kuvendit./REL
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vetvendosja nuk i ka fituar zgjedhjet, por ka dale e para ne zgjedhje. Mos ju afroni Albin Kurtit per asnje marrveshje, sepse do ju mashtroje, pastaj do ju shkeli me kembe, do ju perbuzin bashke me Gervallen. Besoni ne Presidenten Osmani, ajo eshte e besuara e Amerikes. Shpresa e vetme e Kosoves eshte Amerika. Ne zgjedhjet e reja, Albin Kurti dhe Gervalla do dali me nje renje te dukshme, nen 25%. Albini po fsheh situaten ekonomike, energjitike, te Kosoves. Shteti eshte aty 4 vjet, pa asnje investim, i detyruar te kapitulloje. Shqiperia mori vitin e kaluar nga Europa 325 Miljon Euro, Kosova Zero. Shqiperia mori ne Mars te ketij viti nga Europa 265 Miljon Euro, Kosova Zero. Slloganet nacionaliste te Albin Kurtit dolen fallco, Kosova rrezikohet te izolohet me shume nga Amerika dhe Europa.
VVetëfundosja me Kurtin e nisi, vazhdoj dhe pas përfundimit të mandatit për të më palavdishme dhunën, aferën te shumat korruptime, izolimin e Kosovës në planin brendshëm d të jashtëm me përçarje ekstreme brenda kombit, rreshtim me grupimet kundër shqiptar, në luftë me ata që janë pro forcave demokratike SHBA - BE-,por me ata që janë kundër atdheun dhe atdhetarëve në rrugëtimin e tyre demokratik, kundër çlirimtareve por që janë me ata që u japin hapësirës plaçkitësve përmes çmimeve dhe taksave enorme për ushqime, barna, energji elektrike etj. etj. Sikur nuk e din fundin e së keqes dhe po e qojnë vendin drejtë humnere me parulla mashtruese.
Bravo ju qoftë vetëm kështu do ta qëroni anti shqipëtarin dhe përçarësin e shqiptarisë plerën Albin Kurti.
Nuk na intereson fare Kosova. Nxjerrin aq shume urrejtje nga goja dhe bejne aq shume ligesi po ju dha rasti sa per ne Shqiptaret muhabeti i Kosoves ka marre fund.