Te fundit
BE, me deklaratë frike: shenja “Ukraine” mes Kosovës dhe Serbisë
17 Dhjetor 2022, 17:00Rajoni
TEMA
Anëtarët e Bashkimit Evropian mbështesin raportin e përfaqësuesit të lartë evropian Josep Borrell dhe qëndrimin për ndalimin urgjent të tensionit në veri të Kosovës, me vazhdimin e menjëhershëm të dialogut ndërmjet Serbisë dhe Kosovës në bazë të “propozimit të BE-së për një zgjidhje gjithëpërfshirëse e marrëdhënieve mes dy palëve, e cila nuk parashikon afate”.
Zyrtarët diplomatikë në Bruksel deklaruan se Unioni, anëtarët e tij, ndërmjetësit në dialog dhe partnerët amerikanë besojnë se duhet të bëhet një përparim drejt zgjidhjes së situatës së diskutueshme rreth Kosovës, sepse nuk ka më kohë për shkak të “përhapjes së luftës së Ukrainës” në Ballkanin Perëndimor, ku Rusia është dukshëm aktive”.
Nuk u diskutua për Kosovën
Në seancën në Bruksel, krerët e shteteve apo qeverive të BE-së kanë marrë parasysh rezultatet e bisedës së fundit të të dërguarit special të BE-së për dialogun ndërmjet Kosovës dhe Serbisë me kryeministrin e Kosovës, Albin Kurti dhe presidentin e Serbisë, Aleksandar Vuçiç.
Serbia dhe Kosova, siç u tha, duhet të kenë parasysh se përshkallëzimi dhe dhuna e mëtejshme do të pengonte dialogun dhe do të çonte në përjashtimin e fajtorëve nga procesi i anëtarësimit në BE.
Në takimin e liderëve të BE-së nuk është diskutuar për Kosovën, sepse as që ishte paraparë, prandaj nuk ka asnjë qëndrim për të në konkluzionet e samitit, por “në BE ka një ndjenjë të fortë se është urgjente të parandalohet përshkallëzimi, për të qetësuar tensionet dhe për të vazhduar ndërmjetësimin e pandërprerë nga Borrell dhe Lajçak”, thanë burimet evropiane.
Kontaktet janë të mundshme edhe para festave të Krishtlindjeve dhe Vitit të Ri, por tani për tani është e vështirë të imagjinohet se një takim midis Vuçiçit dhe Kurtit si pjesë e dialogut mund të ndodhë para gjysmës së dytë të janarit, “përveç nëse e kërkon një situatë e re e rrezikshme atë”, thanë zyrtarët diplomatikë evropianë në Bruksel.
Në pyetjen nëse “propozimi europian, pra i plotësuar gjermano-francez” ofron një zgjidhje jo vetëm me parime, por edhe me një strukturë të saktë dhe pritshmëri për t’u arritur në një kohë të parashikueshme, diplomatët europianë u përgjigjën se “për arsye shumë të kuptueshme, nuk do të zbulohen detaje, por kjo duhet të arrihet sa më shpejt, edhe pse pa afate, gjë që vetëm sa do t’i vështirësonte negociatat”.
Hiqni barrikadat, uluni në tavolinë!
Aktualisht, situata në veri të Kosovës është relativisht e qetë dhe “besojmë se Vuçiç dhe Kurti duket se e kanë kuptuar se nuk do të jetë mirë për ta nëse do të ketë një përshkallëzim të ri”, u tha.
Borrell, duke ardhur në samitin e BE-së, tha se në bazë të rezultateve të vizitës së Lajçakut në Prishtinë dhe Beograd, ai do t’u dorëzonte një raport udhëheqësve të Unionit dhe se ishte absolutisht e nevojshme që “të kapërcehen problemet, të hiqen barrikadat dhe të ulemi në tavolinë dhe të negociojë propozimin e BE-së për të arritur një zgjidhje koherente dhe të përhershme të tensionit mes Serbisë dhe Kosovës”.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Serbia po kerkon te zbatoje ne veri te Kosoves strategjine ruse per Donbasin, ndersa Europa vazhdon e merr me te mire nxenesin e Miloshevicit, Vucic. Ai nuk njeh gjuhen e aresyes, por vetem ate te frikes, pasi vetem kur kercenohet ŕri urte. Pasi me pare organizoi bojkotin masiv te serbeve nga institucionet shteterore te Kosoves, duke i shperblyer financiarisht , me preteks " targat ", tani I organizon kamikazet e tij per te bllokuar rruget me barrikada nga po ata kriminele te armatosur qe qelluan me plumba policet shqiptare, madje I kerkoi KFOR-it qe te dergonte edhe 1000 trupa luftarake ne Kosove. E gjitha kjo pasi policia kosovare arrestoi me te drejte ish policin serb qe pasi bojkotoi detyren, me urdher te Vucicit, I ve bomben nje institucioni ne Kosove. Ndersa ndermjetesuesit europiane ne vend qe ti flasin Vucicit per destabilitetin qe ka krijuar ne Veri te Kosoves I thone te dyja paleve te ulin tensionet . Cfare ulje tensioni I kerkohet Kosoves, te lejoje edhe me tej terrorin , anarkine e kaosin e krijuar nga bandat e armatosura serbe. Kjo menyre qasje e Europes jo vetem qe nuk e ndalon Vucicin, por po e nxit ate te zbatoje skenarin ukrainas ne Kosove. Nese nuk nderhyhet tani, neser do te jete vone.