Te fundit
Dodik: Serbia ka të drejtë të mbrojë sigurinë e serbëve në Kosovë
1 Gusht 2022, 15:37Rajoni
TEMA
“Lëvizjet e njëanshme dhe të papërgjegjshme të Albin Kurtit kërcënuan sigurinë e serbëve në Kosovë. Sipas Rezolutës 1244 të Këshillit të Sigurimit të Kombeve të Bashkuara, Serbia ka të drejtë të mbrojë sigurinë e serbëve në Kosovë“, tha Milorad Dodik, anëtari serb i presidencës së Bosnje e Hercegovinës dhe lider i Aleancës së Social-Demokratëve të Pavarur.
Dodik deklaroi në Twitter se “ne në Republika Sërpska mbështesim plotësisht dhe fuqishëm udhëheqjen e Serbisë në përpjekjet e saj për uljen e tensioneve dhe për të gjetur një zgjidhje paqësore përmes dialogut dhe në këtë mënyrë për të mbrojtur të drejtat e popullit serb”.
Sipas Dodik, “është plotësisht e qartë se të drejtat e serbëve në Kosovë dhe Metohi, si dhe të drejtat tona në Republika Sërpska shkelen nën presionin politik, dhe se komuniteti ndërkombëtar ende zbaton standarde të dyfishta kur bëhet fjalë për serbët”.
“E gjithë kjo është njësoj si në të kaluarën, por ajo që është e ndryshme është se ‘stuhitë’ nuk do t’u ndodhin më askund serbëve”, ka përfunduar Dodik.
Për shkak të vendimit të Qeverisë së Kosovës për targat dhe dokumentet serbe, serbët lokalë në Kosovë më 31 korrik vendosën barrikada në rrugët që çojnë në Jarinjë dhe Bërnjak.
Qeveria tha se do të shtyjë zbatimin e vendimeve për lëshimin e dokumenteve për hyrje-dalje për shtetasit e Serbisë që hyjnë në Kosovë dhe atë për ndryshimin e targave serbe, kur të hiqen bllokadat./REL
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Maskarai. Tê drejtat e serbëve në Kosovê nuk shkelen kur ata pajisen me dokumentat e vendit të cilit i përkasin, Kosovës. Në rast se nuk duan ta njohin Kosovên si shtet tê tyrin janë ata që shkelin të drejtat e kosovarëve. Kêto janë sebepe për të krijuar tensione dhe ndofta edhe ndonjë konflikt të armatosur. Jo tani për tani, por ndofta pas disa vitesh. Deri atëhere e mbajnë tensionin ndezur.