Te fundit
Nga bllokim të procesit integrues tek kthim prapa në raportet me Perëndimin: Çfarë pritet të ndodh nëse Kurti dhe Vuçiç refuzojnë propozimin
30 Janar 2023, 09:40Rajoni
TEMA
Me një gjuhë të ashpër dhe aspak diplomatike në non-paperin e punuar nga një diplomat perëndimor është bërë e qartë se çfarë humbasin Kosova dhe Serbia nëse përpjekjet e perëndimit për të vendosur paqe në rajon, ballafaqohen me vonesa e bllokada të qëllimshme nga Aleksandër Vuçiç e Albin Kurti.
Aty shkruhet se nëse Kosova, apo Serbia, dështojnë të jenë partnerë konstruktivë dhe nuk e nënshkruajnë marrëveshjen, atëherë “kjo nënkupton ndalimin e procesit të integrimit dhe një prapakthim potencial të raporteve me BE-në dhe të mirave që vijnë me të”.
Sipas këtij dokumenti, “Kosova nuk mund të aspirojë të vazhdojë ta gëzojë mbrojtjen absolute nga bota perëndimore, që është jetike për ekzistencën e vet dhe në të njëjtën kohë të hezitojë në përqafimin e përpjekjeve perëndimore për paqe të përhershme”.
Kosova është e lirë që të mos e themelojë Asociacionin e Komunave me Shumicë Serbe dhe mund të tërhiqet krejtësisht nga Marrëveshja e vitit 2013, por atëherë duhet “do të perballet me pasojat e zhbërjes së të gjitha arritjeve te mëparshme (lëvizjen e lirë, Kodin telefonik të Kosovës +383, integrimin e pjesës veriore, kontrollin e dy pikave kufitare me Serbinë e të tjera)”, thuhet në dokumentin e fundit non-paper që ka siguruar Albanian Post.
Derisa, “Serbia nuk mund të aspirojë të vazhdojë të gëzojë benefitet financiare, ekonomike dhe politike të marrëveshjeve ekzistuese dhe në të njëjtën kohë të minojë përpjekjet e perëndimit për paqe të përhershme”.
Dokumenti gjithashtu i bën të qartë Serbisë se “bixhozi me shpresa të rrejshme se dikur, në të ardhmen, NATO dhe BE-ja do kolapsojnë duke mundësuar kështu ri-pushtimin e Kosovës, është një recetë për fatkeqësi”.
Edhe Asociacioni i Komunave me Shumicë Serbe ka një pikë të rezervuar në këtë dokument.
Në dokument ”, thuhet se “implementimi i të gjitha marrëveshjeve të arritura më parë (përfshirë Asociacioni) dhe propozimi aktual Evropian janë dhe duhet të trajtohen si dy procese të ndara, të lehtesuara në dy rruge paralele”.
“Hapi i parë”, qartëson dokumenti, është “implementimi i të gjitha marrëveshjeve të mëhershme”, kurse “hapi i dytë” paralel është “Propozimi Evropian”.
Në këtë pjesë të dokumentit bëhet e ditur gjithashtu se do të themelohet një Mekanizëm Monitorues i cili do të operojë sipas një seti “parimesh për të shpërblyer ose dënuar palët varësisht nga përkushtimi i tyre në implementimin e procesit”.
Në këtë non-paper theksohet se perëndimorët tashmë janë të njohur me taktikat e Vuçiç-it dhe të Kurtit për vonesa dhe prolongime të procesit.
“Taktikat vonuese (Serbia: së pari Asociacionin, pastaj Propozimin Evropian) dhe taktikat bllokuese (Kosova: së pari garantimin e sigurt të njohjeve nga 5 vendet mos-njohëse të BE-së, pastaj Propozimin Evropian) janë të papranueshme”.
Sa i përket kërkesë së Kosovës për garanci të njohjeve nga 5-shja mos-njohëse e BE-së konstatohet se është e pamundur të jepet një garanci e tillë e shkruar
“Për disa nga këto shtetet, pëlqimi i Serbisë për Propozimin Evropian është bazë e mjaftueshme për të ngritur marrëdhëniet me Kosovën në marrëveshje të plota diplomatike menjëherë”, thuhet në dokument në pjesën ku sqarohet pozicioni i 5-shes mos-njohëse për Kosovën.
“Nëse jo më herët, në momentin që Kosova bëhet anëtare e Këshillit të Evropës dhe organizatave të tjera ndërkombëtare si rezultat direkt i Propozimit Evropian, këto vende do t’i bashkohen pozicionit të shteteve të tjera anëtare të BE-së (që e njohin Kosovën)”.
Në një nga faqet e dokumentit janë sqaruar gjithashtu përfitimet e Kosovës dhe Serbisë, nëse tregohen konstruktivë dhe pranojnë ta nënshkruajnë marrëveshjen, e
Për Kosovën thuhet se nëse nënshkruan dhe themelon Asociacionin në dy procese të ndara, atëherë “zhbllokon procesin e integrimit në NATO/BE dhe fillon marrjen e fondeve dhe investimeve të lidhura me procesin e integrimit”.
“Fiton ndërlidhshmëri rajonale dhe përfshirje në të gjitha programet e BE-së që do ta afektojnë ekonominë e Kosovës në mënyrë domethënëse. Do shfaqen mundësi të reja për bizneset e Kosovës dhe të rinjtë e Kosovës, duke zhvilluar potencialin e mrekullueshëm që ka Kosova”.
Por, propozimi evropian do të përbënte dokumentin e parë të njohur ndërkombëtarisht ku Serbia do ta pranonte se “Kosova dhe Serbia janë dy realitete legale/politike të ndara subjekte të parimeve të qeverisjes sipas të drejtës ndërkombëtare”.
Po ashtu, Serbia do të pranonte se “nuk mund të pretendojë të drejtën për ta përfaqësuar ose vepruar në emër të palës tjetër (Kosovës)”.
Tjetër benefit për Kosovën do ishte se vendet e BE “nuk do ta kundërshtonin anëtarësimin e Kosovës në organizata ndërkombëtare”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ne rregull atehere, kompetenca botoresh, uje e kanalizime, te krijohen asocione veri, jug, lindje, perendim dmth bashkira te medha e te quhen shoqata e Jo asocione se eshte term angles dhe meqe nuk rrezikoka sovranitetin, reciprocitet me luginen dhe viset e tjera me shqiptare nga sanxhaku etj.. pastaj do dali fytyra e vertete e serbiles e meqe krijohet precedent te ngrihet reciprociteti me greqiren
Fatkeqesisht!ne kete bote zuzare,ne kete europe plote me debil nuk kane lexuar dhe as qe jane njohur se ne kete ballkan apo 'fuci baroti'jetojne popuj te cilet ata qe kufizohen me hienat rusoserbe,jane gjithmone te uritur per koka dhe gjak njerezimi.Te jesh ambasador i nje shteti dhe te mirresh me zgjidhjen e problemit shekullor midis agresorit gjakpires rusoserb dhe ati shqiptar qe jeton me shekuj ne trojet e veta autoktone,duhet cfletuar faqe ne faqe historia plote gjak ,mund sakrifica ,burgosje ,cfarosje ne mase te gjere .Eshte nje arhiv nje binlioteke e cila egziston por fatkeqesisht ambasadori i europes nuk paska lexuar,nuk paska pare as lajme rrenqethese te vitit 1998-99 nuk paska lexuar qofte edhe nje gazete me lajme tronditese se si bisha rusoserbe eshte terbuar ndaj nje populli te tere qe shpresonte ne Zot,qe ai Zot nuk venoi fale faktorit perparimtar ne bote vecanersht SHBA Nato..per ti ardhur ne ndihme nje populli i ndodhur para nje kulcedre te karpateve.Edhe sot situata nuk eshte me e mire ne mos akoma me e rrezikshme te cilen po e ndihmojne disa ambasador te europes plake te blere nga rusia serbia fashiste,per ti anash kaluar faktet trinditese,per te bere dallimin ndermjet viktimes dhe kasapit!Kjo nuk eshte e ndershme,ligjet per te jetuar te lire ne harmoni njeri komb metjetrin jane edhe ne Kushtetuta por edhe ne deshiren e Zotit (qe fatkeqesisht edhe ai nuk po jep denimin e merituar,bishes te karpateve)Populli shqiptar kerkon drejtesi ,eshte tolerues dhe nuk eshte mosmirenjohes ndaj Mikut qe e ka ndihmuar ne caste te vedhtira,por kjo Miqesi te mos shenderrohet ne nje termet per te shkaterruar ardhmerine jeten e nje Kombi.Mendjet e ndritura te kombit duhet te zgjoheni se a po e ndieni aromen e vdekjes ,jo jote te nje individi te nje fshati por e tere Kosova dhe populli saje ndodhet para nje akti shkaterrues,kjo po ndodh nga ambasadore me diploma te grisura....
Ketë situatë Vuçiq e ka planifikuar qe 21 vite por nuk mund ta realizonte dhe tash pasi gjeti aleatët në kreun e Kosovës dhe po e realizon qëllimin hegjemonist. Me Kushtetutë Kosova është shpallë vend shumë etnik prandaj nuk vend të për lojra politike si asociacione apo - bashki një kombëshe. Asociacioni le ti bëhet, por, kjo le të kushtëzohet me Luginën e Preshevës dhe Sanxhakun e Pazarit të Ri, pastaj të Vojvodinës për kërkesat e saja nga Hungaria, Kroacia dhe Rumania. Asocicacioni në Kosovë do të jetë kancer për tërë Evropën dhe më gjerë sepse etnitet në shtetet tjera me të drejt kanë me kërkuar një sistem politik të njtë me atë të Kosovës Veriore dhe kjo do të filloj me Luginën e Preshevës, Ylliridën në Maqedoni dhe Çamërin në Greqi.