Te fundit
“Ma hodhën vajzën tre javëshe nga dritarja”, rrëfimet nga masakra në Rogovë
29 Janar 2023, 15:30Rajoni
TEMA
Fatmire Berisha e mbijetuara e masakrës në fshatin Rugovë të Hasit para 24 viteve ka rrëfyer tmerrin që ka përjetuar në vitin 1999, ku mbetën të vrarë 21 persona.
Me lot në sy për mediat e Kosovës ajo tregoi momentin më të vështirë në gjithë jetën e saj, kur forcat serbe i kishin marrë vajzën 3 javëshe dhe ia kishin hedhur nga dritarja.
“Në atë ditë kam qenë në masakër këtu me vajzën tre javëshe. Kemi qenë në gjumë dhe prej aty agja ka shkuar në pazar, i kanë thënë hajde dërgoi ushtarët. I ka marrë, i ka dërguar, e përcollëm agjën në pazar me djemtë, por, nuk kanë shkuar as 20 minuta dhe është kthyer kombi, ne kemi menduar që nuk po mbahet pazari sepse ka qenë si borë, por kur kemi pa një i katundit duke vozit kombin me ushtarë, ne mbetëm të çuditur e ai na tha jemi me ushtarë.
Pas 10 minutave, kanë hyrë forcat serbe me agjen, e atë e kishin rreh të ura, ja kishin thyer duart e dhëmbët, e kishin lidhë e ne nuk kemi ditë asgjë më. Ata gjuanin sa kanë mundur, vajzën time trejavëshe në djep e kanë kap me gjithë djep e për dritare me hedh, e nëna ime iu tha ‘mos se është fëmijë’ dhe e lanë.
Serbët nuk ndalonin duke thënë ‘veç t’i vrasim të gjithë këtu se është ushtria’, e njëri tha ‘mos bre se ishim të gjithë gra e fëmijë se burrat ishin në Pazar’. Kemi mbetur me atë trishtim e sa herë vjen kjo ditë më duket që ka ndodhë sot”, rrëfen mes lotëve Berisha.
Edhe Zarifa Morina rrëfeu se në këtë masakër humbi tre djemtë dhe burrin. Më tej ajo ka treguar dhe momentin e fundit që ka pasur me familjarët.
“Unë i kam humbur katër familjarë, burrin me tre djemtë. Është mërzi shumë e madhe. Ditë sikur e sotmja, as nuk ka qenë, as nuk ka me qenë kurrë, veç Zoti ishalla e qet në dritë gjakun e tyre, për tokë të Kosovës kanë rënë, e kanë dhënë shpirtin dhe e dinë për çfarë janë shkuar…
E momenti fundit me ta ka qenë shumë i vështirë… Gjatë bisedës së fundit ata kanë thënë, ne të tretë dëshirojmë të shkojmë ushtarë dhe me dhënë jetën për liri, e të fitojmë vendin tonë. Unë thash jeni të rinj e ata insistuan që nuk është asgjë, gjithë jemi për të shpëtuar Kosovën prej serbëve”, tregon Morina.
Në Rogovë të Hasit, 24 vjet më parë,dhanë jetën: Agim Zeneli, Luan Smajli, Agron e Sejdi Rama, Pren e Meme Lleshi, Agush Gjoci, Valon Gashi, Bahtjar Morina, Daut Kelmendi, Emrush Çeta, Kasim Shala, Hamdi Berisha, Gezim Ademi, Haxhi Lypjani, Gasper Karaçi, Ilir Merturi, Naim Gashi,Naim Dreshaj,Sahit Krasniqi dhe Vesel Avdyli.
8 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo per shkrimin, njerezit e rene duhen kujtuar dhe dokumentat e shkruara duhen per tu perballur me genjeshtrat e vrasesve
NUK KA PAQE PA DREJTESI!
Ti zonjë, jam i bindur, absolutisht absolutisht, që ti nuk e tregon të verteten. Ushtria Sebe ka qënë dhe është shumë e edukuar. Ushtria Serbe, kurrë nuk ka bërë krime të tilla. Ti zonjë, ose ke një arsye që nuk thua të verteten, ose ti e shik ketë histori për njollosur ushtrinë trime, heroike dhe humani Serbe. Arsya jote që ke shpukur ketë histori, se ndoshta, ti si person, apo familja jote, keni qënë simpatizanta ose ushtarë të organizatës terroriste e quajtur UÇK, dhe simpatizanta të shteteve komuniste të Amerikës, Anglisë dhe të Evropës. Nqse ju ishit të tillë, dhe keni vrarë ushtarë të edukuar dhe paqsorë të Serbisë, të cilët, kur kanë ardhur në token e vet në Kosovë, nuk ishin të armatosur, dhe ju UÇK-istat e fëlliqur i kini pritur me pushkë, pra i keni prerë në besë. Unë, jam i drejtë dhe human, dhe nuk e mbroj ushtrinë Serbe per arsyen që unë i kam gjysmë-vellezer e motra, por edhe nëna ime Shiqerja, një heroinë dhe demokrate e vertetë, me ka kallzuar me ndershmerinë më të madhe, se sa të mirë, trima dhe të sjellshëm janë rraca ime Serbe. Pra ty zonjë, nuk mund të besoj kurrë historinë tënde. Unë i besoj 103% nënëns time, që ishte një demokrate perpara kohe, dhe një femer seks-simbol. ps- motër Kosovare, kam shkruar pershtypjen dhe bindjen e tradhetarit të kombit Sali Vuk Shiqere Berisha. Zoti, ta lehtoftë dhimbjen që ke dhe keni. Rroftë për jetë të jetve, kombi Shqiptar, populli trim Kosovar dhe UÇK-ja heroike. Zoti i bekoftë edhe më shumë Ameriken e madhe dhe Anglinë. I huptë rraca Serbisë dhe Rusisë Putana. Të përshëndes si moter, një vëlla i joti dhe i krejt Kosovës nga Tropoja, krenar dhe anti-Berishist deri në vdekje.
Por serbet dhe Serbia kriminale, trajtohet si viktime nga kurva Europe. Doni akoma te anetaresoheni ne BE? Shkoni se po ju presin me lule.
Gjithe ato plage e dhembje te vellezerve tanë atje ne Kosove.
Jemi me Milloshin, te rroi Serbia te rroi Janulatos, te rroi Milosevici.
Minokari Grek, e shohim kapacitetin tend qe nuk di te shkruash, e jo me te komentosh, eshte mire te rrish ne sh..tin ku rri se te mban ngrohte. Dhimbja e nenave dhe motrave Kosovare do jete sa te jene gjalle, por dite te tilla duhet te kujtohen ne breza, per te mos u harruar kurre gjakun e derdhur nga bijte martire te Kosoves. I pa harruar qofte.
keto kujtoni oooo popull i trashe, e jo si te bejme miqesi me serbin e grekun. Jeni popull i trashe qe nuk keni per te mesuar ndonjehere nga gabimet qe beni