Te fundit
"Frika e Biden-it", studiuesi amerikan: Nëse Vuçiç-i rrëzohet, një regjim akoma më ekstremist do të vijë në pushtet
13 Janar 2023, 09:42Rajoni
TEMA
Profesori dhe studiuesi amerikan, Chris Dolan, përmes një cicërime në rrjetin social Twitter, tha se njëra ndër arsyet pse administrata e presidentit Joe Biden nuk do të ndryshojë qëndrim karshi Serbisë, është sepse Shtetet e Bashkuara i frikësohen kolapsit të regjimit të presidentit serb Aleksandër Vuçiç dhe pasojave që mund të ketë në Ballkanin Perëndimor.
“Nëse regjimi i Vuçiç-it do të rrëzohej, Amerika supozon se një regjim akoma më ekstremist dhe më nacionalist apo militant do të vijë në pushtet në Beograd duke ngritur perspektivat e një lufte tjetër ballkanike”, shkroi Dolan.
Sipas tij, e njejta strategji po përdoret nga administrata e Biden-it edhe ndaj presidentit rus Vladmir Putin pas pushtimi të Ukrainës.
“Është e njëjta strategji që administrata Biden po përdor kundër Vladimir Putin-it. Amerika frikësohet se nëse i jep shumë ndihmë Ukrainës, regjimi i Putinit mund të shembet dhe pasardhësi i tij mund të jetë edhe më ekstrem dhe agresiv”, shtoi ai.
Me këto pikëpamje pajtohet edhe hulumtuesja Ivana Stradner, e cila ditë më parë shkroi në Twitter se është kërcënuar nga një zyrtar i lartë i qeverisë serbe për gjoja “dëmtim të reputacionit të Serbisë”.
“Vuçiç është i zgjuar dhe shmang gabimet e paraardhësve të tij. Ai ka shkatërruar opozitën liberale dhe e paraqet veten si forca e stabilitetit në Ballkan, kështu që ai gjithmonë mund të përshkallëzojë tensionet dhe më pas të shantazhojë BE-në dhe SHBA-në që kanë frikë nga tensionet në Ballkan”, shkroi ajo në Twitter.
Ndryshe, në Kosovë prej kohësh është kërkuar një prezencë shumë më e madhe amerikane në dialogun mes Prishtinës dhe Beogradit nën ndërmjetësimin e Bashkimit Evropian, por kryeministri i Kosovës, Albin Kurti, tha të enjten se Beogradi do ta vonojë arritjen e një marrëveshjeje me shpresën se do të ndërrojë pushteti në SHBA.
“Jam plotësisht i bindur që Beogradi po pret vitin 2024 dhe ta vonojë dialogun e marrëveshjet me Kosovën derisa shpresojnë se do të ndërrojë presidenti në Shtëpinë e Bardhë. Pra, pritja e dyfishtë krijon disa shpresa të rreme në Perëndim”, tha Kurti në Akademinë Diplomatike të Vjenës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Pse llogjike eshte kjo, lere kriminelin te lire te veproje si te doje, se po ra ky nje me i keq se ky do te vije. Tek kjo " politike " disfatiste gjen burimin e frymezimit Vucic i cili po tregon muskujt edhe ndaj perendimit se fundmi. Gjithnje ne cdo popull sado racist dhe i indoktrinuar qe te jete do te gjenden njerez te aresyeshem e paqesore, perndryshe kjo do te thote qe politikberesit ne Amerike kane ndryshuar qendrim ndaj Kosoves.
Sa më zi aq më dioksid karboni të dobishëm për bimësinë politike...Manovrime shterpe të Perëndimit Amerikan.