Te fundit
Gjyqi ndaj ish-krerëve të UÇK-së, veteranët protestë më 13 dhjetor në Maqedoninë e Veriut
5 Dhjetor 2025, 10:46Rajoni
TEMA
Më 13 dhjetor Organizatat e Dala nga Lufta e Ushtrisë Çlirimtare të Kosovës do të mbajnë një protestë te ‘Sheshi Skënderbeu’ në Shkup.
“Të dashur shqiptarë, shihemi në Shkup”, shkruhet në faqen zyrtare në Facebook.
Pas këtij njoftimi edhe Kreu i BDI-së Ali Ahmeti, përmes një postimi në rrjetet sociale shprehet se Sheshi “Skënderbe” do të jetë zëri i fuqishëm i qytetarëve që kërkojnë drejtësi për çlirimtarët.
Ndër të tjera ai thekson se drejtësia për luftëtarët e lirisë nuk mund të ndërtohet mbi akuza politike, montime dhe dëshmi të fabrikuara nga Serbia dhe Rusia.
"Pas Prishtinës dhe Tiranës, tani edhe Shkupi do të buçasë për të vërtetën dhe drejtësinë! Sheshi “Skënderbeu” në Shkup do të jetë zëri i fuqishëm i qytetarëve që kërkojnë drejtësi për çlirimtarët tanë.
Lufta e Ushtrisë Çlirimtare të Kosovës ishte dhe mbetet e drejtë, çlirimtare dhe e mbështetur nga bota demokratike. Drejtësia për luftëtarët e lirisë nuk mund të ndërtohet mbi akuza politike, montime dhe dëshmi të fabrikuara nga Serbia dhe Rusia.
Ashtu siç qëndruam përkrah luftëtarëve të UÇK-së në Prishtinë dhe Tiranë, ashtu do të qëndrojmë edhe në Shkup, krenarë, të vendosur dhe të palëkundur në mbrojtje të së vërtetës sonë, të së vërtetës objektive. Më 13 dhjetor, në orën 13:00, të gjithë në Shkup!
Liria nuk gjykohet, liria mbrohet! Lavdi UÇK-së!”, shkruan Ahmeti.
Më 16 nëntor Organizata e Veteranëve të Luftës së UÇK-së, mbajti protestën e radhës në Strasburg, Francë, ku bënë me dije se gjatë këtij tubimi u dorëzuan 285 letra në emër të secilit anëtar të Asamblesë së Këshillit të Evropës.
Më 17 tetor Tirana u kthye në kryeqytetin e shqiptarisë, ku mijëra qytetarë bënë thirrje për drejtësi për ish-krerët e UÇK-së. Protestë e ngjashme u zhvillua edhe në Hagë më 14 shtator në mbështetje të ish-krerëve të UÇK-së të cilët po gjykohen në Dhomat e Specializuara.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Keto jane protesta allashqiptarce! Se pari, lind pyetja: A kane patur ndikim ne gjykaten e Hages keto protesta lidhur me trajtimin apo lirimin e 4 personave nga Kosova? Mendoj se jo vetem se ju eshte zgjatur koha e paraburgimig me argumentin se mund te infimidojne denancusit apo se mos largohen.... Vetem ne Shqiperi dhe shqiptaret organizojne protesta para dyerve te prokurorise apo gjykates per ndalimin e personave qe akuzohen e dyshohen per vjedhje te pareve te popullit. Kjo po zbatohet edhe per grupin e Hashim Thacit. Do isha plotesisht dakort qe ata te 4 te gjykoheshin ne gjendje te lire, por.....keto protesta rrisin dyshimet per gjykaten e Hages , se ne rast se lihen ne gjendje te lire, ata mund te fshihen nga keto turma njerzish qe protestojne. Besoj se ata mund te marrin pafajesine, por besoj dhe faktin qe keto protesta nuk i ndihmojne, por demtojne. Nuk e di kush i organizon keto orotesta, por besoj ata qe duan te lajne mutin me shurre...thite populli.
Ngrihuni te gjithe ,shqipetarka e shqipetare,per keta burra qlirimtar,qe luftuan per lirin e popullit kosovar,e sot shahen e denohen nga disa matrapaz!...
Po kush mund ti organizoj tjeter,veq org.te dala nga lufta!