Te fundit
Greqi, mbyllja e termocentraleve me linjit shkakton papunësi dhe largim nga vendi
26 Dhjetor 2025, 12:50Rajoni
TEMA
Në Greqinë Veriore, kryetari i bashkisë së Ptolemedhës, një ish-qendër për prodhimin e energjisë elektrike me bazë linjiti, nuk e fsheh shqetësimin e tij.
Ky qytet dhe rajoni përreth rrezikojnë, sipas tij, “të bëhen si Detroiti”, metropoli amerikan i goditur nga rënia e industrisë automobilistike.
“Tetë nga 10 të rinj që largohen nga rajoni për të studiuar nuk kthehen më kurrë”, ankohet Panagiotis Plakentas, kryetari i bashkisë së këtij qyteti me më shumë se 31 000 banorë.
“Papunësia po rritet dhe vendet e punës të humbura nuk po zëvendësohen”, tha ai.
Në rajon, vetëm dy termocentrale me linjit mbeten funksionale. Njëri do të mbyllet në maj, dhe tjetri do të shndërrohet në gaz natyror deri në fund të vitit 2026.
Njëmbëdhjetë termocentrale kanë ndërprerë tashmë veprimtarinë në këtë rajon, i cili për dekada të tëra ishte qendra e prodhimit të energjisë me linjit në Greqi.
Kreu i komunitetit lokal, Ilias Tentsoglidis pohon se projektet alternative nuk po materializohen.
“Fshatrat tona po zbrazen, dhe në fushën më pjellore të rajonit, po ‘mbjellin’ xham dhe beton”, kritikon Tentsoglidis duke iu referuar paneleve diellore.
Kjo zonë ka shkallën më të lartë të papunësisë në Greqi, me 16.5%, dyfishi i mesatares kombëtare (8.1%), sipas zyrës së statistikave ELSTAT.
Është gjithashtu rajoni që ka përjetuar rënien më të ndjeshme të popullsisë gjatë dekadës së fundit, me një rënie prej 10,1% të popullsisë së saj.
Sipas vlerësimeve të sindikatës, më shumë se 10 000 vende pune janë humbur tashmë dhe kjo shifër pritet të arrijë në 20 000 sapo plani i tranzicionit të gjelbër të zbatohet plotësisht.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
gezuar ramazonin.....
Kaq gomar te jesh sa te perdoresh vetem dy fjale qe permbledhin gjithe injorancen tende ?! Jane fjalet e zyrtarit grek mor idjot i Athines , qe fluturon me presh ne b*** !
Ptolemaidha dhe zona perreth, qe ndodhen prane kufirit me Shqiperine dhe Makedonine Veriore, jane te banuar nga popullsi vendase (shqiptare-vllahe-bullgare) por dhe nga nje perqindje e madhe me popullsi Prosfige (ponte-karamanlin-kapadhokinj) te ardhur nga Turqia ne 1925.
Vafshit në ferr.
Ky fenomen është i dukshëm në gjithë Greqinë dhe s’ka të bëjë me termocentralet me qymyr. Edhe aty ndikokan politikat e Ramës!