Te fundit
Ish-kreu i UÇK: Ja pse Albin Kurti ra në grackën e Vuçiqit
28 Maj 2023, 18:20Rajoni
TEMA
Deputeti i PDK-së dhe njëri prej themeluesve të UÇK-së, Xhavit Haliti tha për Euronews Albania se Qeveria e Kosovës ka rënë në grackën e përgatitur nga presidenti serb, Aleksandër Vuçiq.
Sipas tij, Vuçiq ka pasur si qëllim që të shkaktoheshin këto trazira në mënyrë që të shmangte dialogun.
“Mua më duket se qeveria jonë ka rënë në grackën e Vuçiqit, për të krijuar probleme me qëllim që ata të mos e vazhdojnë dialogun. Me 100 vota mua më duket e vështirë për të funksionuar si institucion në një vend ku më shumë se 90% janë qytetar të komunitetit serb dhe për më tepër janë të dëgjueshëm ndaj Beogradit, e kur them këtë mendoj se situata mund të ndikojë negativisht”, tha ai.
I pyetur se nëse kjo situatë mund të ndikojë në Marrëveshjen e Ohrit mes Kosovës dhe Serbisë, Haliti tha se për një kohë, Vuçiq do të mungojë në takime.
Megjithatë, ai theksoi se nuk ka arsye që bisedimet të ndërpriten.
“Unë mendoj se do mungojë Vuçiçi në takime për një kohë e më pas do vazhdojnë bisedimet, pasi nuk ka kuptim të mos vazhdojnë bisedimet. Problemi është a do pranohet kjo qeverisje dhe a do pranohen kryetarët e komunave të zgjedhur vetëm nga votat e shqiptarëve dhe komuniteteve pakicë dhe si do vazhdojë kjo. A do vazhdojë kjo me policë? Kujt do i shërbejë kjo?”, u shpreh Haliti.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ju quheni expert, por une fshatari s'u kuptoj! Bota kapitaliste lufton per tregje, keshtu ka bere historikisht qe nga lindja e saj. Dhe tregjet vijne nepermjet luftes dhe diplomacise. Kosova u çlirua me lufte, pastaj filloi diplomacia dhe arriti nje stad te kenaqshem pavaresie si para-shtet. Si duket populli Kosoves i dha te drejten spiunit te Beogradit, Albin Kurti, (shiko kohen e burgosjes se si i sherbente Beogradit) qe ta drejtoje. Dhe ai me nje bullaster presidente, po e çojne ne ujrat serbe njesoj si e çuan afganet vendin e tyre drejte talibaneve, por ka nje ndryshim te madh: Afganistani ishte shtet i pavarur i njohur boterisht, ndersa Kosova perpelitet ne shtratin e shkretuar nga Albini. Eshte e vertete qe strategjia serbe arrit qe ate qe perendimi i mori Serbise me lufte, ta neutralizoje dhe tani perendimit i mbaroi durimi; ka fronte te tjera se ku mund ta çvendosi vemendje e tregjeve, Ballkanin e ka te sigurt.