Kryetari i Lidhjes Demokratike të Kosovës, Lumir Abdixhiku thotë se kryeministri i Shqipërisë Edi Rama është i mirëpritur pasi pritet të shkojë nesër në Kosovë.

Kryeministri Albin Kurti ka refuzuar të takohet me Ramën pa mbledhje të dy qeverive, por Abdixhiku thotë se vetëm fakti se diskutohet pritja ose jo e tij, flet për “gjendjen në të cilën ka ardhur Kosova”.

“Natyrisht që kryeministri i Shqipërisë është i mirëpritur në Kosovë. Fakti që ne e diskutojmë pritjen ose jo të tij tregon shumë për gjendjen në të cilën ka ardhur Kosova. Kryeministri është i mirëseardhur gjithmonë në Kosovë”, tha Abidhxiku.

Kurti nuk u shpreh i gatshëm ta takojë Ramën dhe në një konferencë për media pas mbledhjes së sotme të Qeverisë e pranoi se raporti ndërmjet dy vendeve “po lëngon”.

“Unë jam në kontakt të drejtpërdrejtë me kryeministrin e Republikës së Shqipërisë, z. Edi Rama dhe e di që do të vijë në një vizitë në Prishtinë në kuadër të tourit ballkanik. Është thënë që ky tour ka të bëjë me përgatitjen e samitit të radhës të Procesit të Berlinit që mbahet në mes të muajit tetor dhe unë miqësisht i kam kërkuar kryeministrit Rama që meqenëse do të vijë dhe do të qëndrojë dy ditë e një natë në Prishtinë, ta mbajmë edhe mbledhjen e dy qeverive e cila u anulua paarsyeshëm ndonëse ishte paraparë muaj më parë”, tha Kurti.

Rama ka paralajmëruar vizita në të gjitha shtetet e rajonit për t’i takuar kryeministrat dhe presidentët pët t’i informuar për përgatitjet për Samitin e Procesit të Berlinit që mbahet në Tiranë këtë vit. Shefi i Qeverisë së Kosovës shprehu habinë se si ai do ta nisë “kaq herët” këtë ‘tour’ ballkanik.

Ai tha se i kishin bërë të gjitha përgatitjet për mbledhjen e anuluar të dy qeverive që ishte planifikuar të mbahej më 14 qershor dhe “13 marrëveshje kanë pasur të nënshkruhen tash kanë ngelur në sirtar”. Kurti tha se nga to “nuk përfitojnë kryeministrat, përfitojnë qytetarët”.

2 Komente

d
destan

5 Korrik 2023, 16:16

Mbledhja e dy qeverive ka treguar se eshte e kote, kjo qeveri qe eshte sot ne Kosove eshte e turpeshme dhe anti shqipetare ajo ngjason me shpellaret ne Shqiperi qe perkrahin Sali non graten, jane te trashe.

Përgjigjjuni
D
Don Julio

5 Korrik 2023, 17:19

Te Lumte Lumir, nuk ka kushte midis shqiptaresh ! Tjetri te vjen ne shtepi dhe ti nuk i hap deren! Pusht e legen. Por Kurtit i eshte shtypur truni i vogel qe ne djep dhe i ka shkaktuar deformime te pakthyeshme ne koke te cilat i kane lene pasoja ne tru. Prandaj sillet si Don Kishot - flet dhe shkruan po si Don Kishoti mbi gomar. E ka diagnostikuar Dr. Prof. Rama.

Përgjigjjuni