Te fundit
Manuel Sarrazin: BE-ja duhet të korrigjojë “gabimet e mëdha” në Ballkanin Perëndimor
20 Maj 2022, 09:56Rajoni
TEMA
Pothuajse dy dekada pasi Bashkimi Evropian premtoi një të ardhme evropiane për vendet e Ballkanit Perëndimor, i dërguari i Gjermanisë në rajon thotë se është koha që blloku të përmbushë premtimet e tij.
Manuel Sarrazin, i cili u emërua në postin e tij tre muaj më parë, tha për BIRN se BE-ja është vonë në përmbushjen e premtimeve të saj ndaj gjashtë vendeve të Ballkanit Perëndimor – dhe duhet të përdorë momentin e krijuar nga pushtimi rus në Ukrainë dhe të fillojë të përmbushë integrimin e premtuar për këto vende në Selanik në qershor 2003.
“Ne duhet të përpiqemi të ndërtojmë besueshmërinë e premtimit të zgjerimit evropian. Në vitin 2003, pati premtime të bëra në Selanik, por 20 vjet më vonë, gjatë pesë viteve të fundit, ne kemi pasur vendime më të vështira, ose aspak fare, sesa hapa pozitivë”, tha Sarrazin për BIRN në një intervistë.
Sarrazin po i referohej ngërçit me të cilin po përballen disa vende të Ballkanit prej vitesh, me përpjekjet e Maqedonisë së Veriut dhe Shqipërisë për të filluar bisedimet e anëtarësimit në BE të bllokuara nga kundërshtimet e Bullgarisë, dhe me dështimin e bllokut për t’i dhënë Kosovës liberalizimin e vizave.
Kjo e lë Kosovën si shtetin e vetëm në rajon, qytetarët e të cilit nuk lejohen të udhëtojnë pa viza në zonën Shengen.
Këto vendime “duhej të ishin marrë shumë më herët” nga Bashkimi Evropian, thotë ai.
“Gabime të qarta, gabime të mëdha… Ndoshta tani është momenti i duhur edhe duke korrigjuar këto gabime dhe duke krijuar një dinamikë pozitive”, shton ai.
I pyetur se kur Shqipëria dhe Maqedonia e Veriut do të hapin përfundimisht bisedimet e pranimit, Sarrazin nuk dëshiron të përmendë data.
Ata do të fillojnë “sapo të marrim vendimin unanim në Këshillin Evropian dhe tani kemi një situatë kur të gjithë po bëjnë çmos për të bindur miqtë tanë bullgarë që të mos e bllokojnë këtë”, thotë ai.
Por ai pranon se “askush nuk e di” se kur do të hiqet bllokimi.
“Përgjigja klasike e Bashkimit Evropian është, ‘varet nga ju’. Varet nga shpejtësia e procesit të reformave të shteteve”, thotë ai.
“Mundësitë e humbura dhe vullneti i pamjaftueshëm politik… sot jemi në një situatë kur duhet të ndërtojmë sërish mundësi. Nuk jemi në një situatë kur mund të lejojmë të humbasim më shumë mundësi”, shton ai.
Sipas Sarrazin, situata në Ukrainë tregon se qëndrimi i BE-së në një pozicion ndërmjetës “mund të ketë pasoja të tmerrshme – kështu që lufta duhet të jetë një shtysë për rajonin, por edhe për ne në qasjen tonë ndaj rajonit”.
Sarrazin gjithashtu flet në favor të ofertës së Kosovës për t’u anëtarësuar në Këshillin e Evropës, gjë që shkaktoi një reagim armiqësor nga Serbia.
“Ne jemi për këtë, e mbështesim dhe do të bëjmë ç’është e mundur që kjo të jetë e suksesshme”, thotë Sarrazin.
“Kam përshtypjen se qeveria e Kosovës e di se çfarë do të bëjë. Ata e përgatitën këtë, ata e dinë më mirë se me kë duhet të flasin. Ne do të flasim me partnerët tanë, do të jemi të qartë për qëndrimin tonë dhe do të themi se ky është një sinjal i rëndësishëm”, shton ai.
Por Sarrazin paralajmëron se anëtarësimi për Kosovën nuk është punë e përfunduar. “Qeveria e Kosovës e di se, deri në marrjen e një vendimi, është një lojë e gjatë, si një maratonë… dhe në një maratonë të mirë nuk duhet të vraponi kilometrat e para… duhet të mbani ritmin që ta mbaroni të gjithën”, tha ai.
Por ai shton: “Ne do t’i bashkohemi Kosovës gjatë gjithë rrugës në rrugën maratonë. Do të japim ujë, do të brohorasim, do ta mbështesim dhe do të flasim me të gjithë për të mbështetur Kosovën që të jetë e suksesshme”.
Duke folur për thirrjen e presidentit francez Emanuel Macron për krijimin e një komuniteti politik evropian që përfshin vende jo anëtare të BE-së, Sarrazin thotë se qëndrimi francez për hapjen e bisedimeve të pranimit për vendet e Ballkanit është gjithashtu “qartësisht pro”.
“Franca është e gatshme të angazhohet menjëherë me organizimin e konferencave ndërqeveritare për hapjen e bisedimeve të pranimit për Maqedoninë e Veriut dhe Shqipërinë – dhe kjo nuk është e lidhur me këtë lloj të ri koncepti apo kuadri që është paraqitur nga Macron”, thotë ai.
“Nuk ka alternativë tjetër përveç anëtarësimit me të drejta të plota të shteteve të Ballkanit Perëndimor, si qytetarë të Bashkimit Evropian. Asgjë tjetër nuk do të funksiononte apo do të ishte tërheqëse. A njihni ndonjë që dëshiron të bëhet anëtar i dorës së dytë i diçkaje?” pyet Sarrazin në mënyrë retorike.
Emërimi i Sarrazin në shkurt të këtij viti ka shtuar numrin e diplomatëve që luajnë rolin e të dërguarve nga organizata dhe shtete individuale, duke përfshirë Miroslav Lajcak të BE-së, Gabriel Escobar të SHBA-së dhe Stuart Peach të Mbretërisë së Bashkuar.
Sarrazin thotë se pozicioni i tij është i lidhur ngushtë me integrimin e shteteve të Ballkanit në BE. “Puna ime mbaron kur ata janë në BE”, deklaron ai.
“Kjo është një shenjë se Gjermania është e angazhuar në rajon dhe se ne duam të intensifikojmë angazhimin tonë për lehtësimin e procesit të anëtarësimit së bashku me partnerët në BB6 dhe në BE”, përfundon ai.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vfar Dreqin kane me Shqiperine qe kan 200-vjet qe vetem e sulmojne ,e sabotojne ,e pengojne me te gjitha menyrat , cüpifin kunder saj ne media e TV .sajojne Emisione Skandaloze duke ber nji Propagande Kontaminuese kundra Shqiperise exstra per Opinionin e vet dhe kjo te irrriton si Shqiptare dhe mendon me te drejte : CFAR DREQIN KENI JU KRIMINELET E NJERZIMIT ME SHQIPERINE - qe mbasi e Coptuat (dhe per kete duhet te perballeni me Drejtesin e Hages ose nji Drejtesi te Njerezimit ) duke ja hudh Hienave perreth dhe nuk pushoni se qituri Helm drejt Shqiperise ne cdo kohe .dhe me qesharakja eshte se na vini ne nji Kandar me nji FakeShtet si Maqedonia e cila eshte nji NIx Nation -nji Zerro e madhe para Kombit Shqiptare !!!!!!!!! Cfar i ka dhene e cfar i afron sot ky Shtet Artifical i quajtur Maqedoni Kontientit Europian ??????? Maqedonia eshte e padukeshme ne Historin e Europes eshte nji flluck sapuni eshte nji asgje para Shqiperise - mirpo edhe ktu , BE-jaanet nuk ndryshojne se Diskriminuari Shqiperine dhe kjo eshte E pasuportueshme ! - Shqiperia nqs nuk do ishte Sulmuar nga Europa etj si ajo , mbas Ndryshimit te Sistemit - dhe shkaterruar komplet Institucionet dhe sjellja e Degjenerimin Social dhe futja e Kriminalitetit e Droges nga Poltikat Europiane duke mbeshtetur ne Shqiperi Elemntin Kriminal dhe Ijnorantet ne Pushtet -sot Shqiperia ishte nji Shtet Model jovetem ne Ballkan por edhe me gjere , dhe Plotesishte Demokratike -qe Europa s'e lejoj por e shndroj ne nji Vend Aarabe sepse ashtu i kishte Planet Klubi i Kanibaleve -qe sot un nuk shpresoj aspak Te Mendojne ndryshe per Shqiperine -thjeshte me kto gjasme kthesa e afrime -kerkojne vetem ta fusin ne Thesin e tyre . Kta jane te afte ,qe nga Hici te Krijonjne Shtete e Fake Natione si ben me Greqine dhe nga nji Komb I Lashte dhe teper Njerzor ta zhdukin nga Kontinenti ose ti fusin Kancerin e diskriminojne sepse jane te Semure prej Genit Kriminal qe trashegojne nga paraardhesit e tyre - dhe duan patjeter nji Sünden Bock - ku te cfryne Psikopatine e tyre e njikohesishte mbrojne Padrejtesite e tyre qe kane bere ne Shekuj kunder Shqiptareve dhe Njerezimit . (Personalishte nuk jame per BE -bashkupnime Po - por kurr ti besoshe Djallit qe te coptoj e po te shkaterron ne kto 30-vjete )