Te fundit
(Mos)zbatimi i Ligjit për Gjuhët bën bashkë diplomatët në Shkup, Meidani: Duhet zgjidhje e plotë
10 Qershor 2026, 12:30Rajoni
TEMA
Ambasadori i Shqipërisë në Maqedoninë e Veriut, Denion Meidani, ka ndjekur nga afër debatin publik me titull “(Mos)zbatimi i Ligjit për Përdorimin e Gjuhëve: Zgjidhjet dhe Pasojat”, një aktivitet ky i organizuar nga Lëvizja Studentore dhe Democracy Lab, me mbështetjen e Ambasadës së Shqipërisë.
Përmes një reagimi në rrjetet sociale, ambasadori Meidani e ka vlerësuar diskutim si konstruktiv dhe mjaft të vlefshëm, duke vënë theksin te argumentet juridike që rrethojnë këtë çështje sensitive.
“Diskutimet me argumente juridike treguan se bëhet fjalë për një të drejtë që buron nga Kushtetuta dhe nga Ligji për Përdorimin e Gjuhëve; një e drejtë që duhet të gjejë zgjidhje të plotë dhe të qëndrueshme,” ka deklaruar Meidani.
Mbështetje dialogut dhe shtetit të së drejtës
Në këtë debat, krahas diplomatëve të tjerë të akredituar në Shkup, ka qenë i pranishëm dhe ka pasur një angazhim aktiv edhe Ambasadori i Kosovës, Florian Qehaja, të cilin Meidani e ka falënderuar veçanërisht për kontributin e tij në diskutim.
Ambasadori shqiptar ka shprehur mirënjohje për seriozitetin dhe përgjegjësinë e treguar nga organizatorët, panelistët, akademikët, analistët dhe studentët. Sipas tij, platforma të tilla dialogu luajnë një rol kyç në shoqëri.
“Një dialog i tillë forcon besimin tek angazhimi qytetar dhe i shërben barazisë së të gjithë qytetarëve para ligjit,” nënvizoi ai, duke shtuar se Ambasada e Republikës së Shqipërisë do të mbetet gjithmonë mbështetëse e çdo dialogu që u shërben proceseve demokratike dhe shtetit të së drejtës.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
RVM, SHTET I SAJUAR QE RREZIKON EKZISTENCEN NESE LARGOHEN SHQIPTARET NGA QEVERIA.