Sveçla: Më shumë se 80 terroristë morën pjesë në sulmin e Banjskës

30 Shtator 2023, 09:50Rajoni TEMA

Sveçla: Më shumë se 80 terroristë morën pjesë

Ministri i Brendshëm i Kosovës, Xhelal Sveçla deklaroi se mbi 80 terroristë ishin të përfshirë në sulmin e së dielës në fshatin Banjskë të Zveçanit. Ndërsa shtoi se presidenti i Serbisë, Aleksandër Vuçiç dhe vet Qeveria e Serbisë janë të përfshirë në këtë akt terrorist.


Më 24 shtator, një grup terrorist në këtë fshat të pjesës veriore të Kosovës sulmuan forcat policore të Kosovës, duke vrarë rreshterin Afrim Bunjaku.


Pesë ditë pas sulmit, përgjegjësinë për organizimin e sulmit e mori Millan Radoiçiç, nënkryetar i deritashëm i Listës Serbe, partisë më të madhe të serbëve në Kosovë.
Në intervistën dhënë Radios Evropa e Lirë, ministri Sveçla thotë se Radoiçiq nuk ka vepruar i vetëm siç ka thënë, por i mbështetur nga presidenti i Serbisë, Aleksandar Vuçiç.

“Të gjitha faktet tregojnë se Millan Radoiçiq nuk ka vepruar kokë më vete, nuk ka punuar vetë. Ai ka qenë në vazhdimësi i mbështetur nga Aleksandër Vuçiq, nga Qeveria e Serbisë dhe nga të gjitha instrumentet që ai shtet ka”, tha Sveçla.
Ai thotë se hetimet e deritashme kanë treguar si “mbi 80 terroristë” kanë qenë të përfshirë në sulmin në Banjskë.

“Në fillim është menduar se janë diku mes 30 dhe 40 terroristë. Tashmë mund të themi se numri është më i madh, gjë që dëshmon suksesin edhe më të madh të policisë së Kosovës.

Policia e Kosovës ka qenë edhe në numër më të vogël, edhe me armatim më të dobët sesa ky grup terrorist, por ia ka dalë që pas humbjes së jetës së rreshterit Afrim Bunjaku, pas përfundimit të kësaj prite, të realizojë gjatë gjithë ditës një betejë të suksesshme – për të cilën po marrim përgëzime nga të gjithë aleatët tanë – dhe ta mundë këtë grup terrorist. Por, numri është i madh. Tash mund të themi se është mbi 80”, tha Sveçla.


Ministri i Brendshëm tha gjithashtu se autoritetet përgjegjëse, përmes partnerëve ndërkombëtarë, do të kërkojnë ekstradimin nga Serbia në Kosovë “të të gjithë atyre që kanë qenë të përfshirë në planifikimin dhe realizimin e aksioni terrorist” në Banjskë.

1 Komente

  1. l
    lapsi

    Me sa duket ky svelca nuk e ka idene e ushtrise. A e di svelca se cdo te thote te jene mbi 80 veta te armatosur rende, karshi disa policeve (sado te pergatitur qe te jene ato). Une nuk e di kush ka qene qellimi i serbeve te armatosur, por nje gje e kam te sigurte, polici i kosoves u vra ne perite (dhe nuk kishte asnje mundesi qe te tregonte ndonje trimeri te madhe, pasi populli thote qe ai qe te pret te vret). Dhe se dyti nuk e kam te qarte dhe keto kosovaret nuk po e shpjegojne se perse 80 serbet e armatosur u larguan e nuk u mbajten rob!!! Si ka mundesi qe serbet e cane rrethimin e dolen ne serbi!!! Ku qene policet trima te kosoves, apo u mjaftuan me 3 te vrare nga serbet sulmues. Zoti Svelca keto gjera duhet ti sqarosh!!!

    Lini një Përgjigje