Gripi dhe Covid po qarkullojnë njëkohësisht, si të kuptojmë me cilin virus jemi infektuar

Mjeku Artan Simaku gjatë një komunikimi me mediat ka folur në lidhje me situatën e virozëve në vend, si edhe situatën e Covid dhe veprimet që duhet të ndjekin qytetarët në këtë kohë.

Simaku u shpreh se momentalisht situata e gripit në vend është në situatën që ka qenë para pandemisë, ndërsa shtoi se virusi i gripit dhe ai i covid janë duke qarkulluar njëkohësisht.

I pyetur se si qytetarët mund të dallojnë nëse janë infektuar me grip apo covid, Simaku u përgjigj se dallimi mund të bëhet klinikisht ose nga simptomat si temperatura, e cila zgjat 4 deri në 5 ditë, dhimbjet e muskujve dhe gjendja e dobësisë, të cilat në rastin e gripit janë më të theksuara.

“Momentalisht situata e gripit është njëlloj si ka qenë para pandemisë, gjatë pandemisë edhe për shkak të kufizimeve gripi nuk qarkulloi dhe pati shumë pak raste vitin e dytë. Momentalisht i është kthyer qarkullimit të zakonshëm stinor, qarkullojnë virusi i tipit A dhe tipit B.

Qarkullimi është i përhapur në gjithë vendin dhe prek gjithë moshat, intensiteti është i ulët dhe ka prirje në rritje. Piku i qarkullimit arrihet në fundin e janarit dhe në fillimin e shkurtit dhe mbaron rreth muajit mars.

Tashmë kemi hyrë në fazën e aktivitetit të zakonshëm stinor, shifrat nuk janë të larta në lidhje me gripin, por ka bashkë qarkullim të gripit dhe të Covid.

Ajo që është e rëndësishme është vaksinimi. Njerëzit mund të vaksinohen për të dyja viruset njëkohësisht. Përveç vaksinimit nuk duhen neglizhuar maskat, distancimi dhe higjiena për grupet me risk të popullatës.

Klinikisht nga mjekët mund të bëhet një dallim mes sëmundjeve pavarësisht se shenjat janë shumë  të ngjashme.

Ky dallim është temperatura dhe kohëzgjatja, gripi ka temperaturë të lartë që zgjat për 4-5 ditë dhe ka dhimbje dhe gjendje dobësie më të theksuar se covidi. Jemi në stinën ku pandemia nuk ka mbaruar akoma, vaksinimi duhet kryer për të dyja sëmundjet për të qenë më të mbrojtur”, tha ai.

A është variant i COVID, virusi që po qarkullon?/ Mjekja jep detaje

12:20 Shëndeti 1 koment

Alarm i OBSH-së: Varianti i ri ChBB.1.5 është më infektuesi që kemi parë

09:55 Shëndeti

A mbrojnë vaksinat bivalente kundër variantit BF.7 që po pushton Kinën?

10:58 Shëndeti 1 koment

Variant i ri i koronavirusit zbulohet në Pakistan, shkak i infektimeve në Kinë

14:35 Shëndeti 1 koment

Studimi: Të qenurit i hidratuar shmang sëmundjet, plakjen dhe vdekjen e hershme

12:39 Shëndeti 1 koment

Studimi mbi COVID-19: Virusi mund të përhapet në tru dhe pjesë të tjera të trupit

10:02 Shëndeti

Shfaqet një version i ri i COVID, XBB.1.5 që po alarmon botën

14:52 Shëndeti 10 komente

Mblidhet Komiteti Teknik i Ekspertëve, diskutohet situata epidemiologjike

16:01 Shëndeti 11 komente

Revolucion në mjekësi, testi i gjakut që do të zbulojë Alzheimerin që në momentet e para

11:52 Shëndeti

Shkencëtarët në Japoni zbulojnë metodën që vret qelizat kanceroze, hap i rëndësishëm në trajtimin e sëmundjes

21:20 Shëndeti 2 komente