VIDEO/ 4 mënyra për të forcuar kujtesën dhe rritur përqendrimin

Gjithnjë e më shpesh neuroshkenca bashkëkohore po konifrmon se aftësia për t’u përqendruar nuk është një tipar fiks dhe i përhershëm. Në fakt, ajo funksionon dhe formësohet nga sjelljet tona të përditshme.

E ftuar në episodin e fundit të Apostrof Podcast, mjekja neurologe Dr. Entela Basha shprehet se aktiviteti fizik luan një rol kyç në përmirësimin e vëmendjes dhe përqendrimit, ndërsa shton se nuk ka rëndësi nëse është fjala për aktivitet fizik të zhvilluar në ambiente të mbyllura apo në natyrë, pasi vetë aktiviteti fizik rrit nivelet e neuromediatorëve kyç si adrenalina dhe serotonina. Të dy këta neuromediatorë lidhen ngushtësisht me rregullimin e humorit, ekuilibrin emocional dhe aftësinë për t’u përqendruar.

Por, përtej aktivitetit fizik, Dr. Basha shpjegon se leximi aktiv është një tjetër mënyrë e fuqishme për të stimuluar truruin. Sipas saj, kryerja e analizave, interpretimi i ideve dhe nxjerrja e konkluzioneve janë të rëndësishme për shkak të përpjekjes mendore që nxitin.

Ngjashëm, aktivitete që lidhen me zgjidhjen e problemeve, si ushtrime matematikore apo fjalëkryqe, ndihmojnë në angazhimin e disa sistemeve konjitive njëkohësisht.

Ndërkohë po aq i rëndësishëm, ndonëse shpesh e nënvlerësuar, është roli i marrëdhënieve ndërpersonale. Dr. Basha shprehet se të shpenzuarit kohë me njerëz pozitivë dhe që na bëjnë të ndihemi mirë, luan një rol të konsiderueshëm në përmirësimin e fokusit dhe kujtesës. Siguria emocionale dhe gëzimi ulin ngarkesën konjitive, duke mundësuar që sistemet e vëmendjes të funksionojnë në mënyrë më efikase.

Të marra së bashku, këto zakone japin një mesazh të thjeshtë por të fuqishëm: të mbash trurin aktiv nuk kërkon ndonjë rutinë të jashtëzakonshme dhe as mjete të specializuara. Lëvizja, të menduarit dhe lidhjet njerëzore mbeten mënyrat më të besueshme për të përmirësuar përqendrimin, kujtesën dhe shëndetin konjitiv afatgjatë.

Ndiq episodin e plotë të Apostrof Podcast: Ja pse kujtimet e këqija jetojnë më gjatë! Dr. Entela Basha: truri, neuroplasticiteti dhe kujtesa

Agjërimi, si një praktikë që fton trupin të rigjenerohet dhe mendjen të rifitojë kontrollin

08:10 Shëndeti 8 komente

VIDEO/ Pse kujtimet e këqija jetojnë më gjatë? Të fshehtat e trurit: Nga neuroplasticiteti tek sfidat e harresës dhe ndikimi i teknologjive moderne

17:00 Shëndeti

VIDEO/ “Truri nuk ka zona të vdekura”, mjekja neurologe: Çfarë na mëson neuroplasticiteti

11:19 Shëndeti

Tavolina e festave lë pas 2-4 kg shtim në peshë! Dietologët: Tani konsumoni ujë dhe bëni ecje

07:54 Shëndeti

VIDEO/ Më shumë sesa futbolli dhe palestra, ky aktivitet fizik ndikon në rritjen e testosteronit

16:29 Shëndeti

VIDEO/ Kriza e heshtur testosteronit: Pse meshkujt sot janë më të pashëndetshëm?

17:00 Shëndeti

VIDEO/ Kriza e heshtur e testosteronit, mjeku androlog: Pse nuk ka të bëjë vetëm me seksualitetin

22:00 Shëndeti

Zbulim premtues, një ilaç i ri mund të ndalojë Alzheimerin para shfaqjes së simptomave

17:51 Shëndeti 1 koment

Studimi: Si u shpërnda në mbarë Europën një gjen kanceri i rrallë?

17:22 Shëndeti

Zemra e dobët në moshë të mesme rrit rrezikun e demencës

08:10 Shëndeti