“Askush nuk ankohet për ta”- Daily Mail në lagjen e shqiptarëve në Londër: Nuk jemi gangsterë, as hajdutë. Po na bëjnë “kokë turku”

4 Nëntor 2022, 10:23Sociale TEMA

“Askush nuk ankohet për ta”- Daily Mail në lagjen e

“Daily Mail”, pas akuzave të shumta të lëshuara së fundmi kundrejt emigrantëve shqiptarë, ka hyrë në një lagje të banuar me shqiptarë.

Emigrantët shqiptarë që jetojnë në Britaninë e Madhe akuzuan qeverinë se i ka bërë ata ‘koka turku’ për politikën ‘e dështuar’ të emigracionit të Britanisë – dhe kritikuan pretendimet e Home Office se ata po ‘luanin’ sistemin.

Ata thanë se ishin larguar nga Shqipëria për një jetë më të mirë në Britani për të punuar shumë dhe për të paguar taksat e tyre – ndërsa këmbëngulnin se nuk pretendonin përfitime dhe nuk ishin “gangsterë apo hajdutë”.

Duke folur jashtë një kafeneje në veri të Londrës , burrat pohuan se ishin viktima të racizmit të hapur dhe po shënjestroheshin qëllimisht nga qeveria britanike për të larguar vëmendjen nga trajtimi i dobët i kalimeve të Kanalit të emigrantëve.

SHKRIMI I PLOTË

Emigrantët shqiptarë që jetojnë në Britaninë e Madhe akuzuan sot qeverinë se i ka bërë ata “koka turku” për politikën e dështuar të emigracionit të Britanisë – dhe kritikuan pretendimet e Home Office se ata po “luanin” me sistemin për të qëndruar në ishull.

Ata thanë se ishin larguar nga Shqipëria për një jetë më të mirë në Britani, për të punuar shumë dhe për të paguar taksat – ndërsa këmbëngulin se nuk pretendojnë përfitime dhe nuk janë “gangsterë apo hajdutë”.

Duke folur jashtë një kafeneje në veri të Londrës, burrat shqiptarë pohuan se ishin viktima të racizmit dhe ishin shënjestruar qëllimisht nga qeveria britanike për të larguar vëmendjen nga trajtimi i dobët ligjor i kalimit të emigrantëve në Kanal.

39-vjeçari Ervis Abdullaj, pronar i “01 Café Bar” dhe një nga rreth 150,000 shqiptarët që jetojnë në Mbretërinë e Bashkuar, tha në shenjë proteste: “Shqiptarët po vijnë këtu për një jetë më të mirë. Çfarë nuk shkon me këtë? Shumë njerëz kanë ardhur nga vende të tjera, por askush nuk ankohet për ta. Shqipëria është një vend i bukur, por ka shumë korrupsion dhe dhunë atje. Shumë shqiptarë po ikin nga kushtet e tmerrshme dhe jeta e tyre është në rrezik. Mund të mos ketë një luftë atje, por nuk është një vend i sigurt”.

Abdullaj, i cili mbërriti në Britani në vitin 2014 përmes mënyrave të ligjshme tha: “Unë nuk kalova ilegalisht në një varkë dhe kam bërë një jetë të mirë për veten time në Britani. Por nëse njerëzit janë të dëshpëruar për të ardhur këtu kështu, atëherë duhet të ketë një arsye të mirë”.

“Unë punoj pothuajse 18 orë në ditë dhe si shumë shqiptarë në Britaninë e Madhe dua të kem një jetë të mirë për veten time. Qeveria britanike thjesht po përpiqet të na fajësojë ne për problemet e saj. Nuk është faji ynë që nuk mund të bashkohet dhe të bëjë diçka për krizën e emigrantëve. Kështu që është më e lehtë t’i lidhësh të gjitha me shqiptarët”, shtoi ai.


Bandat shqiptare në Britaninë e Madhe janë akuzuar për kontrabandën e njerëzve dhe kontrollin e pjesëve të mëdha të tregjeve të marijuanës dhe kokainës në vend.

Dritan Doda, 49 vjeç, i cili drejton një kompani ndërtimi, këmbënguli: “A jemi ne i vetmi komunitet në MB që përfshihemi në kriminalitet dhe trafik droge? Unë nuk mendoj kështu”.

“Kam 25 vjet që jam në Britani dhe nuk e di pse tani shqiptarët fajësohen për gjithçka. Ne jemi një komunitet i vogël në Mbretërinë e Bashkuar, por aktualisht jemi duke u fajësuar për të gjitha problemet e mëdha. Është racizëm për mendimin tim, sepse është më e lehtë për Qeverinë të na fajësojë ne sesa të marrë përgjegjësi”, nënvizoi ai.

Ndërtuesi Ermond Dena, 50 vjeç, i cili ka qenë në Britani për 10 vitet e fundit shtoi: “Shumë komunitete kanë kriminelë dhe tregtarë droge. Pse fokusoheni vetëm te Shqipëria?”.

“Kam vënë re një rritje të numrit të shqiptarëve që vijnë në MB gjatë muajve të fundit, por ka pasur edhe njerëz që kanë ardhur nga vende të tjera”, tha ai.

Shumica e atyre në kafenetë e shqiptarëve të Hendonit kishin qenë në Britani të Madhe për pesë vjet ose më shumë dhe pak e pranuan se kishin ardhur ilegalisht me varka emigrantësh.

Por Esadi, 24 vjeç, i cili donte të jepte vetëm emrin e tij dhe nuk donte të fotografohej, tha: “Kam ardhur vitin e kaluar me një varkë. Pagova një bandë në Shqipëri dhe ata bënë të gjitha rregullimet”.

“Shumë njerëz duan të vijnë sepse jeta në Shqipëri nuk është e lehtë. Është e vështirë të gjesh një punë dhe nëse e ke një të tillë, je me fat që të fitosh 200 £ në muaj. Unë jam duke pritur që kërkesa ime për azil të shqyrtohet dhe jeta nuk është e lehtë në Londër, por është më mirë se të jesh në Shqipëri”.

Shoku i tij, i cili nuk deshi t’i përmendet emri shtoi: “Kam paguar rreth 5000 £, që janë shumë para në Shqipëri. Në Francë ka shqiptarë që kujdesen që të hipësh në varkë. Është e rrezikshme, por ia vlen”.

Ndërtuesi Modi Reci, 42 vjeç tha: “Shumica prej nesh këtu nuk kanë ardhur ilegalisht me varka. Disa nga ata që janë përfshirë në veprimtari kriminale si tregtia e drogës, por është kot të thuash se të gjithë shqiptarët janë kriminelë. Njerëzit po vijnë këtu nga e gjithë bota, kështu që pse të na zgjidhni ne shqiptarët?”.

Eddie Terziu, 37 vjeç, një ndërtues, me origjinë nga Elbasani, tha për MailOnline: “Kam ardhur në Britaninë e Madhe për punë. Kam ardhur 15 vjet më parë dhe tani është shtëpia ime. Unë kam një grua dhe dy fëmijë, djali im më i vogël ka lindur këtu. Nuk ka punë në Shqipëri. Kështu erdha në Londër. Ishte e vështirë të filloja sepse nuk e dija gjuhën. Por kam punuar shumë dhe tani është shtëpia ime. Ne nuk jemi kriminelë, nuk jemi gangsterë. Ne nuk kërkojmë përfitime. Ne punojmë për paratë tona”.

Eduard Balla, 31 vjeç, tha për MailOnline: “Unë jam murator. Unë nuk shes drogë, nuk kam armë. Unë nuk jam kriminel”.

“Kam ardhur në Mbretërinë e Bashkuar katër vjet më parë për të gjetur një jetë më të mirë. Në Londër mund të fitoj deri në 1000 £ në javë. Në Shqipëri nëse je me fat fiton 100 £ në javë. Kështu që kam ardhur në Britani për një jetë më të mirë. Është si një ëndërr për shqiptarët të vijnë në Londër. Ne e dimë nëse punojmë shumë, mund të fitojmë para dhe të jetojmë mirë”, shton ai.

Mbrëmë kryeministri shqiptar Edi Rama dënoi Sekretaren e Brendshme Suella Braverman për ‘nxitjen e ksenofobisë’ që e cilësoi ardhjen e shqiptarëve në Britaninë e Madhe me varka të vogla si ‘pushtim’.

Shqiptarë të tjerë treguan se si u ishte dhënë statusi i refugjatit në Britani pasi u larguan nga atdheu i tyre nga frika për jetën e tyre.

Flamur Alla, 50 vjeç, një ndërtues, tha për MailOnline: “Unë jam shqiptar nga Kosova. Kam ardhur si refugjat në vitin 1999 për shkak të luftës me Serbinë. Tani jeta ime është në Britani. Tre fëmijët e mi tani janë të gjithë të rritur. Kam shqiptarë që punojnë për mua në vende në të gjithë Londrën. Ata të gjithë punojnë shumë. Ata nuk kërkojnë asgjë për asgjë”.

11 Komente

  1. i
    ina

    po pse mos doni ti mohoni pislliqet qe bejne shqipetaret atje ??? ne e dime qe nga i thati digjet edhe i njomi dhe nuk eshte e drejte , por te pakten ta pranojme se mafia shqipetare na i ka ulur koken kudo ne bote ....

    1. D
      Dakord

      Ina ngrije koken mi zonje!!! Duhet te dish se krimi nuk ka atdhe dhe kombi nuk e ul koken per ca kriminele se po te jete keshtu italia dhe usa nuk duhej ta ngrinin koken kurre. Nuk te pelqen Rama? Ska problem se eshte e drejta jote por Rama mbron shqiptaret nga sulmi racist dhe media britanike po ju jep zë shqiptareve te ndershem. Sugjeroj ta ngresh koken lart zonje dhe ta perseris qe krimi nuk ka as komb as atdhe.

        1. i
          ina

          ashtu eshte , krimi nuk ka atdhe , por ne propocion me popullsine qe kemi , atdheu yne po merr emrin krim avash avash ... dhe sa pr ate qe Rama po mbron shqipetaret nga rracizmi , ta hedh poshte ate ide se Rama po ben nje mut , vetem sa mbush xhepat e tij dhe populli detyrohet te iki nga e keqja .... mos tju genjeje mendja qe Rama po ben dicka , ai eshte me mire te rehabilitohet ne ndonje spital psikiatrik .... t`i bejme yzmetin vehtes , e ti futemi punes dhe ta leme krenarine menjeane se e bardha eshte e bardhe dhe e zeza e zeze ....

          1. s
            shqip

            ina-jam vertet kurioz te di se cfare faktesh keni zotrote per "vjedhjet e Rames" per te cilen e akuzoni? Nese keto fakte e kane burimin tek nevojtorja e Salih kriminelit, apo tek lesh e lija e PL se Ilir spijunit, ato kemi vite qe i degjojme dhe nuk na bejne me pershtypje. Ne te kunderten, nese vertet keni fakte reale te mbeshtetura ne prova, ose shko e bej denoncimet perkatese ne prokurori, ose mbylle halen se late koqen e namit me akuza vend e pavend. Me kete nuk dua aspak te them se Rama eshte i imunizuar nga korrupsioni, por kaq shume vite qe degjoj akuza, majtas e djathtas, por qe kurre akuzuesit nuk japin qofte edhe nje fakt te vetem, nderkohe qe bejne aludime e supozime nga me fantastiket. Boll se na cate trapin me gomarlleqet e Salihut qe nuk i beson askush.

      1. V
        Vk

        Mafia shqiptare ne Angli eshte si nje pike uji ne océan me mafjen angelze apo indjane etj etj

        1. D
          Dan

          Lum si Anglia qe ju ka aty si kinga te gjithe.... Zhvillim Zhvillim jeni...... Kafe Turke gjithe diten dhe prisni ndihmen sociale nje here ne muaj....

          1. s
            shqip

            Bravo Dan, zotrote dukesh qe i dike mire keto pune. A mos punon gje tek zyra e ndihmes sociale?

            1. D
              Dan

              Po aty punoj. Ik se u ftof kafja turke

              1. s
                shqip

                Nese une apo te tjeret pijme kafe turke apo frenge, nuk mbeti surrati yt me na gjyku. Cdo njeri ka te drejte ta kaloje kohen e lire ne menyrat qe ka qejf dhe nje kafe me miqte pas pune eshte mese normale. Problemi eshte se disa tipa si ti, qe mbase e kalojne kohen neper kafenera, gjykojne te tjeret sipas standartit te vet.

          2. S
            Suella jevga

            Suella dhe Sunaku po bejne lojen e mafias indiane.

            Lini një Përgjigje