Te fundit
“I murosa librat për t’i mbrojtur nga vandalizmat”, historia e pazakontë e gruas që u përball me “Bandat e Vlorës” në ’97-ën
7 Mars 2024, 09:09Sociale
TEMA
Në kulmin e marrëzisë që përfshiu Vlorën në fillimvitin 1997, Liljana Gjika, do të dëshmonte një akt qytetarie të rrallë.
Ajo ishte drejtoreshë e bibliotekës së Vlorës, një prej qyteteve që përjetoi situatën më shpërthyese. Në fund të janarit, e telefonuan për ta informuar se protestuesit kishin sulmuar bibliotekën.
“Jam shokuar. Më bëhet një lëmsh i madh kur kujtoj atë marrëzi që nuk kishte ngjyra politike”, u shpreh Liljana Gjika, ish-drejtuese e Bibliotekës, Vlorë.
“Turma njerëzish ishin vërsulur në ambientet e bibliotekës dhe merrnin libra me çanta, me kuti. Vete atje mora dhe djalin dhe u flas atyre çfarë bëni çfarë bëni, për një moment ngelën. Erdhën edhe njerëzit dhe punonjësit vajta tek komuniteti i shpëtimit, shumë e tronditur me lot me sy…më ndihmojnë duke më dërguar dy djem edhe ata me armë”, u shpreh Liljana Gjika, ish-drejtuese e Bibliotekës së Vlorës.
Në këtë bibliotekë ruheshin 120 mijë ekzemplarë për të rritur dhe 50 mijë për fëmijë. Duke qenë se ndodhej fare pranë portit, të dëshpëruarit që nuk iknin dot ia nxirrnin inatin tempullit të dijes. Liljana nuk u dorëzua, por nisi një betejë epike duke i murosur librat për ti mbrojtur nga aktet vandale.
“Me djalin dhe shokët e tij, blemë tulla, blemë zhavorr që të murosja muret sepse kjo gjë ndodhte çdo ditë dhe unë ditë për ditë bëja të njëjtën gjë si kështjella e Rozafës që ndërtohej ditën e natën shkatërrohej. Kemi bërë 12 mure, i murosëm librat”, u shpreh ajo.
Dy dhoma të shtëpisë i boshatisi dhe i mbushi me koleksionin më të rrallë që gjendej në bibliotekë, si e vetmja mundësi shpëtimi. Koleksioni përfshinte enciklopeditë, të gjithë sektorin e albano-balkanologjisë si dhe koleksionin e vjetër të gazetave dhe dokumenenteve.
“Hapnim mure natën, merrnin libra kot, i hidhnin edhe unë kam bërë gjithë ato çmenduri. Hapnin zvagra merrja mashka të mëdha dhe shkruaja me shkronja të mëdha: O Njerëz ju lutem mos i dëmtoni librat, janë vlerë për ju, nuk e ke idenë se sa kg gozhdë kam blerë për të ruajtur dritaret”, tha Liljana Gjika,ish-drejtuese e Bibliotekës së Vlorës.
Në fund të marrëzisë biblioteka kishte humbur më shumë se 50% të fondit, por koleksionet e rralla shpëtuan. Sot gjenden të stivosura me krenari në bibliotekën e Vlorës, aty ku edhe u takon.
Të gjitha këto sektorë që shihni, janë librat e shpëtuar nga Liljana. Kjo, është historia e jashtëzakonshme e një njeriu të zakonshëm, që në atë kohë, konsiderohej jo normal për betejën që kishte ndërmarrë në një Shqipëri që vlonte nga kaosi.
“Më gufon zemra kur jam para këtyre librave, janë vlera shumë të mëdha, të parikuperueshme. Të njëjtën gjë do ta bëja përsëri dhe madje më me shumë forcë“, u shpreh Liljana Gjika,ish-drejtuese e Bibliotekës së Vlorës. (Inside Story)
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Respekte pa fund Znj. Liljana per gjithçka qe ke bere per librat dhe bibloteken.
Dhe kur kujtoje se para viteve 90 e vetmja pasuri me shume vlere qe ne kishim ishin librat,mund te rrinim pa buke por jo palexuar libra .Kishim nje shok qe i jati kishte studiuar ne Itali dhe France ,i cili mbas studimeve kishte sjell me vete mbi 2-3000 libra ne italisht dhe frengjisht kryesisht vepra klasike botime te viteve 20,30 te shekullit te kaluar.Mbasi une dhe nje tjeter ishim shoke te ngusht feminije me te birin , kishim privilegjin qe herepashere te vizitonim dhe te bisedonim me te jatin ne biblioteken e shtepise se tij private ku ne na dukej vetja si ne nje dimension tjeter jete. Dhe ne nga qe lexonim gjithshka qe botohej ne ate kohe i vlersonim personat nga niveli i te lexuarit dhe sasise se librave qe kishin ne shtepi....dhe imagjinoni sot se ca behet me rinine. shqiptare...
Te lumte zonje e nderuar, respekte pa fund per cka ke bere, mbasi te ka rene nje barre e madhe te perballoheshe me vandalet e asaj periudhe, por duhet ti behet e qarte brezit te ri te sotem, qe ajo periudhe u stimulua nga Kryevandali i Shqiperise, i cili ka vetem nje emer sali berisha dhe kelyshet e tije.
Rrespekte Zonje!
Do t’i lutesha Kryeministrit, z. Edi Rama t’i aprovonte kesaj gruaje fisnike me ndergjegje te larte qytetare pension special dhe t’i prop joe Presidentit qe t’i jape medaljen nder i kombit Zonje, ju perulem me nderim te thelle