Te fundit
Kush po e pengon të futet në fushatë zgjedhore kandidaten për postin e rektorit të universitetit të Elbasanit?
30 Maj 2024, 17:29Sociale
Majlinda Perriu
Përjashtim i kandidatit për të siguruar fitore pa garë në Universitetin e Elbasanit
Ajo çka po ndodh në këtë universitet që ka shqetësuar opinionin akademik dhe intelektual të qytetit, lidhet me pengesat për të shmangur nga gara për postin e Rektorit të këtij universitetit të kandidates Profesoreshës së nderuar Majlinda Perriu, duke mos e miratuar si Kandidate me një vendim të paligjshëm të KIZ(Komisioni Institucional Zgjedhor) të këtij universiteti, Komision që i merr urdhërat direkt nga zv.rektorja nga Rektori aktual, për të favorizuar zv. rektoren e tij e cila kandidon për postin e rektorit, duke synuar të realizojnë formulën e riciklimit të njëri tjetrit.
Shkelja e parë: KIZ, ka tejkaluar kompetencat duke dhënë vendime në shkelje të Ligjit të Arsimit të Lartë, Rregullores Zgjedhore të Universitetit(Kreu II, neni 6/g) ku citohet se “KIZ regjistron kandidatët për rektor…”, dhe jo gjykon kandidatët, duke marrë rolin e gjykatës duke interpretuar edhe ligjet për institucionet e tjera jo universitare.
Kështu, me vendim Nr. 12 të datës 26.05.2024 KIZ ka vendosur të mosmiratojë regjistrimin e kandidaturës për të marrë pjesë në zgjedhjet për postin e rektorit, të profesoreshës me një karrierë 25 vjeçare në fushën e arsimit Majlinda Perriu, pavarësisht përmbushjes nga ana e saj të të gjithë dokumentacionit të përcaktuar në rregulloren e zgjedhjeve të universitetit.
Shkelja flagrante: në këtë vendim të KIZ thuhet se; aktualisht kandidatja ushtron detyrën e Prefektit të Qarkut, ndërkohë që është lehtësisht e vërtetueshme se me Vendim të Këshillit të Ministrave, znj. Majlinda Perriu është liruar nga ky pozicion më dt. 24.05.2024, VKM Nr. 314, pra 2 ditë përpara se të merrej vendimi i KIZ i datës 26 maj.
Është e pakonceptueshme dhe e papranueshme se si mund të merret ky vendim nga KIZ më 26.05.2024, datë kur Zj Majlinda Perriu nuk rezulton më në pozicionin e pretenduar nga vendimi i KIZ, gjë që tregon se jo vetëm nuk është bërë asnjë verifikim në këtë rast, por vendimi është marrë në mënyrë arbitrare, madje dhe pa kërkuar asnjë informacion sqarues nga kandidatja në fjalë. Ku e gjen guximin ky komision të shkelë Vendimet e Qeverisë dhe të vendosë padrejtësisht për skualifikimin e një pedagogeje me titullin akademik “Professor” që plotëson të gjitha kriteret.
Kërkojmë ndërhyrjen e menjëhershme të Ministrisë së Arsimit, të instancave kompetente ligjzbatuese, për të hetuar dhe për të vënë para përgjegjësisë paligjshmërinë dhe shkeljet e të drejtës demokratike për zgjedhje të ndershme dhe të lira në universitetin e Elbasanit.
I bëjmë thirrje Ministrisë së Arsimit të ngrijë procesin zgjedhor në universitetin e Elbasanit për postin e rektorit, deri në një interpretim juridik të bërë nga strukturat juridike të kësaj ministrie, kërkesë që duhej të ishtë bërë nga vetë universiteti i Elbasanit.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Prof.Dr. Majlinda Perriu eshte nje personalitet me integritet te larte dhe i ben nder Univerisitetit Alexander Xhuvani, Elbasan te zgjidhet Rektore e ketij Universiteti. Koha e njerezve (nese mund ti quajme te tille) si Skender Topi, Peçi Naqellari, Bederiana Shyti, Dhurata Valero, Silvana Turku, etj, aksidentalisht pedagoge dhe drejtues ne kete Universitet, te cilet e kane kthyer institucionin e edukimit ne biznes pasurimi ne kurriz te studenteve dhe buxhetit te Universitetit, duhet te marre fund. Suksese znj Perriu ne kandidimin e saj, ne te mire te Universitetit, Elbasanit dhe mbare vendit!
Me siguri do ju kem ndihmuar apo mbeshtetur në shkollimin tuaj "Lame"
Me siguri do ju kem ndihmuar apo mbeshtetur ne ecurine tuaj!
Keto jane shushunjat qe shkaterruan sistemin e arsimit te larte dhe e duan po ashtu qe ata te vegjetojne sa me gjate per interesa vetjake