Te fundit
Sytë nga rrushi e vera, 1000 ekspertë ndërkombëtarë do të sjellin konsulencë
29 Maj 2024, 21:20Sociale
TEMA
Nga mbjellja e hardhisë dhe krijimi i verës e deri tek etiketimi i konteinerëve përfundimtarë, vendi ynë pritet të zhvillohet edhe më tej në këtë sektor. Një vëmendje e veçantë është drejtuar ndaj zhvillimit të këtyre produkteve në projektligjin e depozituar në Kuvend për “Aderimin në marrëveshjen për themelimin e organizatës ndërkombëtare të vreshtarisë dhe verës”.
Shqipërisë do t’i vihen në dispozicion 1000 ekspertë për dhënien e konsulencës në zhvillimin e vreshtarisë dhe verës cilësore sipas standarteve: “Shqipëria si vend prodhues dhe konsumues i rrushit dhe verës do të marrë informacionin dhe asistencën e nevojshme për të zhvilluar rregullore për harmonizimin ndërkombëtar të praktikave dhe standardeve ekzistuese për të minimizuar barrierat ndaj tregtisë, për të promovuar prodhimin e qëndrueshëm, si dhe për të mbrojtur konsumatorët”.
Shqipëria pritet të përfitojë si në zhvillimin e sektorit brenda vendit, por edhe shitjen e produkteve ndërkombëtarisht. Ky projektligj mirëpritet nga specialistët në vend, por konsiderohet i vonuar.
Gazmend Shehi, nga Shoqata e Prodhuesve të Verës Familjare, shprehet: “Duhet të ishte përshtatur më shpejt me rregulloret e BE. Ky ligj duhet të sjellë një rregullsi sa i përket tregut të verërave dhe të mbrojë origjinën e prodhuesve tanë. Gjithashtu, edhe me VKM që të përshtaten të gjitha rajonet ku është zhvilluar vreshtaria”.
Aktualisht, ky sektor vuan një sërë problematikash nga krijimi i një kadastre të plotë të vreshtarisë, por edhe certifikimi përfundimtar i produktit.
Lush Susaj, profesor në Universitetin Bujqësor të Tiranës, tregon se teknologjia në vend nuk i plotëson kriteret: “Jashtë kuadrit ligjor dhe teknologjive bashkëkohore. Vreshtarisë sonë i mungon themeli i industrisë së verës. As edhe një investim i BE-së nuk ka shkuar te ligji, rajonizimi, kloni, marka, standardet. Zëmë vendin e 45 për nga sipërfaqja me vreshta dhe 50 për nga konsumi i verës për frymë të popullsisë”.
Me aderimin në këtë marrëveshje, Shqipëria do të azhornohet me standarde të harmonizuara dhe të pranuara ndërkombëtarisht për prodhimin e produkteve të vreshtarisë dhe verës. Problem ky që ka ndikuar dhe në situatën e eksporteve shqiptare.
“Po të marrësh raportin e tregtisë së jashtme për këtë është 1 me 470. Domethënë, për një litër verë që shesim, blejmë 470 nga jashtë”, tregon Susaj.
Shqetësuese për prodhuesit shqiptar mbetet mbizotërimi i verërave të importit ku në shifra jozyrtare ekspertët e sektorit thonë se kjo sasi vere zë rreth 70% të tregut. Ata sugjerojnë rishikimin e kuotave të importit.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
epo kur ngeli vreshtaria ne dore te tropojaneve.....
Po vijme tek shprehja e Hrushovit, i cili rekomandonte te mbjellim agrume, se aq grure sa i duhet Shqiperise, i hane minjte ne hambaret e BS. Vera eshte nje biznes fitimprures, vecse kerkon pak kujdes, eksperience. Balanca e imprt eksportit te ben te mbjellesh vetem vreshta, sepse ka uri shume te madhe ne tregun tone. Keto jane politikat qeveritare, te cilat njerezit e zgjuar me nuhatje, menjehere reagojne, mbjellin te behen te paret qe fitojne.
Edhe ne kohe nuk dergohen 1000 eksperte, delirante sikur te ishin "gjalle" vreshtat e fermes "Gjergj Dimotrov" dhe me gjere perse duhet te vijne 1000 pijanece vere, apo Albanistan esapi.
24 ha toke, të pershtatshme per vreshtë. Toke me uje, diell dhe burim natyral uji, brenda sip. Çmimi i negociushem.