Te fundit
Mjeku: Nuk mbaj “Whats App”, pacienti më çoi 18 analiza me sms…
28 Qershor 2024, 20:20Sociale
TEMA
Hematologu, Sotiraq Lako ishte këtë të premte në “Good Morning Albanians”, për të folur rreth një statusi të tijin në Facebook ku tha se për mjekët është shumë e vështirë që analizat e pacientëve ti lexojnë nëpërmjet telefonave dhe mesazheve në rrjetet sociale. Ai tha se ka filluar të mos e hap më whats app-in pasi shumë pacientë mund t’i dërgojnë analiza pa fund.
Ai tregoi një rast ku një pacient i ka dërguar 18 dokumente për të kontrolluar analiza. Sipas mjekut, ndonjëherë pacientët e nisin edhe nga dy herë të njëjtën analizë, pasi nuk i kushtojnë shumë rëndësi materialit që dërgojnë, ndërsa ai si mjek duhet ti kontrollojë të gjitha.
“Me anë të celularit është shumë e lehtë të dërgosh një analizë, ndërsa je në kafe a duke ngrënë drekë, thonë ja t’ia dërgoj njëherë mjekut. Por për ne është përgjegjësi, pasi edhe ajo analizë që vjen nga një njeri që ne se njohim, duhet ta analizojmë siç duhet. Unë what’s app-in e mbaj të mbyllur se kushedi sa analiza më vijnë. Mua njëri më dërgoi 18 analiza. Ata as nuk i kontrollojnë i nisin nga 2-3 herë, unë duhet t’i hap të gjitha”,-tha mjeku.
Më poshtë mund të lexoni statusin e mjekut:
Të nderuar, ne përpiqemi t’ju ndihmojmë sa mundemi me shkrimet tona, me përgjigjet në telefon, SMS, e-mail, messenger, whatspp, por të gjitha këto opsione virtuale, janë shumë të vështira për ne. Është shumë stresuese kur dëgjon tingullin e SMS, Messenger, whats app, që nuk pushon asnjëherë.
Ne nuk mund të lexojmë të gjitha analizat që ju keni, të gjitha ekzaminimet. Janë të lehta për t’u nisur, por ato duhen hapur, duhen zmadhuar, duhen lexuar, duhet të kthesh përgjigje, duhet të kthesh përgjigje pas çdo pyetje plus.
Vihemi në pozitë, sepse mjekësia është ndjenje. Mund t’ju japim disa orientime, por e kemi të pamundur t’ju mjekojmë siç duhet. Kjo nuk është mire për ju dhe as për ne. Mjekimi është përgjegjësi.
Është shume e rëndësishme te kesh pacientin përballe, te marrësh anamnezën e duhur, te kesh analizat dhe ekzaminimet te printuara. Bën më pak gabime në lexim dhe interpretim. Dhënia e mjekimit është instinkt, ajo ndryshohet disa here ne mendje gjate bisedës me pacientin.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
ketu ka te drejte ,nese merr qindra mesazhe e humb fare dhe mjeku ,nuk eshte mire per asnjeren pale . Shteti duhet ta zgjidhe duke ofruar sherbim te lehtesuar ,nese ka rradha shto mjeket ,te hapen qendra te specialuzuara ne cdo qytet qe mos plasen te gjithe ne tirane etj . Vertet ka mjeke problematike por ne fund eshte mos krijimi i kushteve optimale qe i prodhon keta lloj mjekesh ....
Regulli eshte ,pacienti duhet te paraqitet tek mjeku i familjes sipas regullit ai e orjenton duke i mare anamnezen te semurit ne ka nevoje per specialist , per analiza dhe duhet te ndjek perseri rugen nga e nisi per nje pergjigje te sakte ??? Por ka nje gje sa i gateshem eshte mjeku i familjes per ta mdihmuar pacientin ne menyre qe te mos ta sorollase se i shton vuajtjet me shume ? Gjithmone ke shteti jo te privati dhe nuk ka nevoje per SMS .Privati ka regulla te tjera , une gjithmone preferoi shtetin me veshtiresi por ja dal .Privati do para dhe jo pak ?