Te fundit
Nderim për ndihmën e spitalit të Prizrenit për popullsinë e zonës kufitare të Shqipërisë me Kosovën(FOTO)
27 Janar 2026, 18:36Sociale
TEMA
Ambasadori i Shqipërisë në Kosovë, Petrit Malaj, ka falënderuar sot Spitalin e Prizrenit për ndihmën që i ka dhënë banorëve të zonave kufitare të Shqipërisë me Kosovën.
Gjatë një vizite në këtë spital, ambasadori Malaj ka shprehur mirënjohje për kontributin e çmuar dhe përkushtimin e palodhur që mjekët, infermierët dhe i gjithë personeli i këtij spitali tregojnë çdo vit edhe në trajtimin e pacientëve nga Qarku i Kukësit dhe Malësia e Veriut të Shqipërisë, të cilët gjejnë atje jo vetëm shërbim shëndetësor cilësor, por edhe ngrohtësi vëllazërore dhe shpresë.
Në një postim të tij, ambasadori Malaj shkruan: “Sot pata kënaqësinë të vizitoj Spitalin e Përgjithshëm Rajonal të Prizrenit ‘Prim. Dr. Daut Mustafa’, një institucion që prej vitesh është shembull i profesionalizmit dhe humanizmit në shërbim të jetës. Në praninë e Ministrit të Shëndetësisë së Republikës së Kosovës, Arben Vitia, të cilin e falënderoj pafund, pata nderin t’i dorëzoj Drejtorit të Përgjithshëm të spitalit, z. Osman Hajdari, Mirënjohjen e Ambasadës së Republikës së Shqipërisë në Republikën e Kosovës, si shenjë respekti dhe falënderimi të thellë për të gjithë stafin spitalor.
Kjo mirënjohje vjen për kontributin e çmuar dhe përkushtimin e palodhur që mjekët, infermierët dhe i gjithë personeli i këtij spitali tregojnë çdo vit edhe në trajtimin e pacientëve nga Qarku i Kukësit dhe Malësia e Veriut të Shqipërisë, të cilët gjejnë atje jo vetëm shërbim shëndetësor cilësor, por edhe ngrohtësi vëllazërore dhe shpresë. Vizita e sotme ishte një tjetër dëshmi e qartë se vëllazëria nuk njeh kufij dhe se solidariteti dhe bashkëpunimi ndërmjet Shqipërisë dhe Kosovës mbeten vlera të përbashkëta që forcojnë lidhjen tonë organike.”
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Bravo Kosove!Bravo ambasador!
Kenaqesi qe lexojme lajme te tilla , dashamiresi dhe ndime te perbashket . Ambasadori i Shqipërisë në Kosovë, Petrit Malaj njeri me vlera, krenari per shqiptaret qe na perfaqeson si Ambasadore , dhe krenari e families te tije dhe te dy djemeve qe ka z. Petrit Malaj.