Te fundit
Salla dhe Kumbaro në dialog me fermerët e Gjirokastrës: Mbështetje për blegtorinë si shtyllë kryesore e ekonomisë së zonës
1 Shkurt 2026, 08:30Sociale
TEMA
Ministri i Bujqësisë dhe Zhvillimit Rural, Andis Salla, së bashku me ministren e Arsimit dhe njëkohësisht drejtuese politike të qarkut të Gjirokastrës, Mirela Kumbaro Furxhi, zhvilluan sot një takim të hapur me fermerët e Gjirokastrës, Tepelenës, Këlcyrës, Memaliajt, Dropullit, Përmetit dhe Libohovës.
Në qendër të diskutimit ishte sektori i blegtorisë, i cili mbetet shtylla kryesore e ekonomisë së zonës. Fermerët ndanë nevojat e tyre reale për mbështetje, ndërsa u evidentuan potencialet prodhuese të rajonit dhe mënyrat se si ato mund të fuqizohen përmes Skemës Kombëtare 2026, e ndërtuar mbi përvojën e terrenit dhe kërkesat e vetë fermerëve.
Ministri Salla theksoi se për vitin 2026 është planifikuar një mbështetje e lartë për bujqësinë, me një fond prej 119 milionë eurosh, që do të mundësojë investime për prodhimin e produkteve konkurruese në tregjet europiane. Mbështetja do të realizohet përmes një kombinimi instrumentesh financiare: subvencione direkte, skema grantesh dhe garanci shtetërore deri në 70%, duke synuar rritjen e prodhimit, zhvillimin e sipërmarrjeve bujqësore dhe forcimin e qëndrueshmërisë së ekonomisë rurale.
Fermerët e pranishëm theksuan rëndësinë e investimeve në blegtori si faktor kyç për zhvillimin e zonës dhe krijimin e mundësive të reja ekonomike, duke e parë këtë mbështetje si një hap të rëndësishëm drejt fuqizimit të komuniteteve rurale.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
hahahahahahahahahahah Mirela edhe per problemet e bujqesise. hahahahahahahahaha Lane nam fare.