Te fundit
Lëndime, probleme fizike, lodhje… Arsyet e ndryshme që i shtynë yjet t’i thonë lamtumirë futbollit para kohe
11 Janar 2023, 09:56Sport
TEMA
Lëndime, probleme fizike, lodhje… Janë arsye të ndryshme, që mund ta çojnë një futbollist drejt “pensionimit” të parakohshëm. Ne po shqyrtojmë një listë me disa emra të shquar, që i dhanë fund karrierës së tyre shumë shpejt.
Ronaldo Nazario
“Nuk duroj më. Doja të vazhdoja, por nuk mundem. Mendoj për futbollin, por nuk e ekzekutoj ashtu siç dua. Është koha të ndalem”. Kështu u përshëndet ylli brazilian në një konferencë shtypi, në moshën 34-vjeçare.
Marco Van Basten
Sulmuesit të madh holandez iu desh t’i thoshte lamtumirë fushës së blertë në moshën 31-vjeçare për shkak të lëndimeve të rënda në kyçin e këmbës dhe gjurit.
Eric Cantona
Sulmuesi francez u tërhoq nga futbolli në moshën 31-vjeçare.
Carles Puyol
Kapiteni i madh i Barçës doli në “pension” në moshën 34-vjeçare për shkak të problemeve të vazhdueshme me gjunjët.
Gareth Bale
Faza tjetër e jetës së uellsianit ka ardhur pas përfundimit të rrugëtimit të tij me LA Galaxy. Ai mbushi 33 vjeç korrikun e kaluar.
Michel Platini
Ylli francez i viteve 1980 u tërhoq nga fushat e blerta në moshën 32-vjeçare me dëshirën e tij, sepse nuk e pëlqente më futbollin.
Sergio Kun Aguero
Gjendja e tij e zemrës e përshpejtoi tërheqjen e tij nga futbolli në vitin 2021 (33 vjeç), pothuajse menjëherë pasi u lirua kontrata e tij me Barcelonën.
Zinedine Zidane
Ato lot pas ndeshjes kundër Villarrealit në “Bernabéu” ishin të fundit në karrierën e Zidane. Kupa e Botës më 2006 i dha fund pa shumë lavdi edhe karrierës me kombëtaren francize, teksa goditi me kokë në gjoks Materazzi.
Jorge Valdano
Kishte kaluar pak kohë që kur fitoi Kupën e Botës në vitin 1986, kur u diagnostikua me hepatit. Doli në “pension” në vitin 1987, në moshën 31-vjeçare.
Uli Hoenes
Ish-presidenti kontrovers i Bayern Munich ishte një nga më të mëdhenjtë e futbollit gjerman, i cili doli herët në “pension” për shkak të problemeve të vazhdueshme të gjurit. Ai ishte 27 vjeç.
Frank Rijkaard
Ish-trajneri i Barçës dhe lojtari i ri i atij Milani historik të Arrigo Sacchi-t u tërhoq në moshën 32-vjeçare.
Patrick Kluivert
Sulmuesi holandez ishte 32 vjeç kur njoftoi tërheqjen e tij nga futbolli në vitin 2008. Ai ishte anëtar i Lille në atë kohë.
Philipp Lahm
Edhe pse Bayern ofroi vazhdimin e kontratës, anësori i madh gjerman vendosi ta mbyllë karrierën në vitin 2017.
Just Fontaine
I konsideruar si një nga më të mirët ndonjëherë, francezi luajti vetëm deri në moshën 28-vjeçare. Një dëmtim i tibias në fibul e detyroi “t’i varte këpucët në gozhdë”.
Didier Deschamps
Trajneri aktual francez “i vari këpucët në gozhdë” në moshën 32-vjeçare. Skuadra e tij e fundit ishte Valencia, në vitin 2001. Më pas filloi menjëherë punën si trajner.
Më të lexuarat
24 oret e fundit
Javen e fundit
Blog Tema
Lini një Përgjigje