Te fundit

Ndeshja me Poloninë, Uzuni: Kemi frymë të re, më duan në La Liga dhe Serie A!

22 Mars 2023, 14:33Sport TEMA

Ndeshja me Poloninë, Uzuni: Kemi frymë të re, më duan

Kombëtarja shqiptare e futbollit luan në 27 mars me Poloninë në transfertë, ndeshje e vlefshme për grupin E të eliminatoreve të Europianit 2024.

Nga “Shtëpia e Futbollit” në Tiranë, përpara medieve kanë dalë dy futbollistët e Kombëtares, Myrto Uzuni dhe debutuesi Anis Mehmeti që luan me Bristol City në Angli.

Beratasi i Granadas, Uzuni tha se ishte koha për frymë të re në Kombëtare dhe se ndihet gati për të qenë qendërsulmues.

“Kam shënuar 20 gola dhe nuk kam mbaruar me kaq. Sa i përket Kombëtares jam shumë i lumtur. Të përfaqësosh Kombëtaren është gjëja më e madhe për një futbollist. Ndihem mirë si qendërsulmues. Ndryshime në futboll duhen. Është një frymë e re. Shpresoj të arrijmë rezultatet pozitive. Sa i përket lojtarëve të rinj i uroj mirëseardhjen. Siç e thashë kur vjen në Kombëtare ke më shumë përgjegjësi. Tani kam më shumë eksperiencë dhe jam më i gatshëm. Koha do e tregoj”, tha fillimisht Uzuni.

Më pas beratasi u ndal edhe te forma e mirë e këtij sezoni me Granadan dhe ofertat në drejtim të tij.

“Kur shënon kaq shumë gola si në Ligën e dytë spanjolle. Kam oferta nga Premier Liga, La Liga, Seria A. Por tani jam i përqendruar me Kombëtaren dhe dua të jap më të mirën. Dua të kërkoj më shumë nga vetja. Mundësitë janë kualiteti është aty. Por dhe ekipi si mesfusha dhe mbrojtja që duhet të sjellin topin te sulmi dhe ne ta shënojmë”, tha Uzuni.

Lini një Përgjigje

Më të lexuarat

Blog Tema

Powered by Tomorrow.io