Te fundit

Nga debutimi në Seria A në makth, e ardhmja e sulmit të Shqipërisë pëson dëmtimin “horror” për çdo futbollist

18 Shkurt 2026, 16:23Sport TEMA
Nga debutimi në Seria A në makth, e ardhmja e sulmit të

Viti 2026 është kthyer në makth për Xhoi Nuredinin, pasi në janar plotësoi një ëndërr. Qendërsulmuesi 18-vjeçar i Xhenoas mund t’i nënshtrohet operacionit, që do sillte largimin nga fusha e blertë për thuajse gjithë vitin.

Ishte ndeshje e Primaveras ku Xhenoa U-20 priste Milanin U-20. Nuredini la fushën i dëmtuar rëndë në minutën e dhjetë, ndërsa lajmi më i keq i mundshëm u njoftua.

Debutimin në Seria A ia bëri të mundur trajneri Daniele De Rosi. Ky i fundit e futi në fushë ndaj Parmës, më 18 janar në sfidën e mbyllur pa gola. Dhe pse për pak minuta në fushë, ëndrra u bë realitet me Xhenoan.

“Xhenoa, 16 shkurt 2026 – Sot, futbollisti Joi Nuredini iu nënshtrua një skanimi me rezonancë magnetike të gjurit të djathtë pas dëmtimit që pësoi të shtunën gjatë ndeshjes Xhenova-Milan Primavera 1. Skanimi zbuloi një këputje të ligamentit të kryqëzuar anterior. Nevoja për ndërhyrje kirurgjikale do të vlerësohet në ditët në vijim”.

Lini një Përgjigje

Më të lexuarat

Blog Tema

Powered by Tomorrow.io