Te fundit

Paralajmërimi i ekspertëve të të drejtave të njeriut: Botërori 2026 rrezikon të kthehet në skenë autoritarizmi

6 Dhjetor 2025, 14:05Sport TEMA
Paralajmërimi i ekspertëve të të drejtave të njeriut:

Ekspertë të të drejtave të njeriut kanë paralajmëruar për rreziqe serioze ndaj komuniteteve emigrante, vizitorëve të huaj dhe gazetarëve gjatë Kupës së Botës 2026, duke i kërkuar FIFA-s të marrë masa të menjëhershme për garantimin e sigurisë dhe lirive themelore.

Alarmi vjen në një moment kur presidenti amerikan Donald Trump u nderua me çmimin e ri të “Paqes FIFA” gjatë hedhjes së shortit të Botërorit. FIFA e arsyetoi vlerësimin me “përpjekjet e tij për paqe në botë”, duke i dhënë eventit sportiv një nuancë të fortë politike. Trump u shfaq në skenë me medaljen e çmimit dhe pranë një trofeu të artë që mbante emrin e tij.


“Pa veprim të menjëhershëm, FIFA rrezikon të kthehet në një skenë të autoritarizmit”, deklaroi Jamil Dakwar, drejtor i Programit të të Drejtave të Njeriut në ACLU, gjatë një konference në Washington. Ai u shoqërua nga përfaqësues të NAACP, Amnesty International, Reporterëve Pa Kufij dhe Qendrës për Inovacion në Shëndetin e Komunitetit të Georgetown Law.

Organizatat thanë se i kanë dërguar një letër presidentit të FIFA-s, Gianni Infantino, duke shprehur shqetësimet e tyre, por deri më tani nuk kanë marrë përgjigje.

“Sapo FIFA hesht ose nuk ndërmerr veprime të mjaftueshme, rrezikon që marka e saj dhe vetë Kupa e Botës të shndërrohen në instrument për normalizimin e një qeverie amerikane gjithnjë e më autoritare”, paralajmëroi Dakwar.

 

 

1 Komente

  1. S
    Sander
    6 Dhjetor 2025, 15:34

    mori fund edhe futbolli

    Përgjigjjuni

    Lini një Përgjigje

    Më të lexuarat

    Blog Tema

    Powered by Tomorrow.io