Te fundit
“Te Granada më thanë që unë do të isha lideri i tyre”, Myrto Uzuni: Meritoj të jem lojtari më i mirë i vitit, dua titullin
22 Maj 2023, 15:00Sport
TEMA
Myrto Uzuni është vetëm një pikë larg rikthimit në La Liga. Sulmuesi shqiptar po lë pas një sezon mbresëlënës, ku deri tani ka shënuar 22 gola dhe ka dhënë 6 asiste.
Lojtari beratas ka dhënë një intervistë për emisionin “Ora Sport” në “Ora TV”, në të cilin ka listuar edhe objektivat e tij për këtë sezon. Uzuni është shprehur se dëshiron titullin kampion në La Liga 2, trofeun e golashënuesit më të mirë dhe çmimin si lojtari më i mirë i vitit në kampionat.
“Kam bërë sezonin më të mirë në karrierën time deri tani. Biletat tona gjithnjë kanë qenë të shitura. Unë kërkoj gjithmonë fitoren, pasi shpallemi kampion. Nuk kënaqem me vendin e dytë. Bëjnë diferencën lojtarët individualë. Kjo na ka sjellë deri këtu. Në fillimet tona, kur ne ramë nga liga, 70% e lojtarëve u larguan. Jemi vetëm lojtarët me eksperiencë. Kisha oferta dhe kur biseduam më thanë që do jesh lideri jonë që do na udhëheqësh këtë vit. Kishim një trajner që s’kishte lojtarë në dispozicion për të formuar grupin.
Trajneri i ri krijoi grupin e ri. Më parë luaja në krahun e majtë, ndërsa trajneri i ri më ka futur përpara në sulm, ku kam shpërthyer me gola. Pranë shpalljes golashënuesi më i mirë? E kam pasur gjithmonë qëllim në vetvete. Kjo nuk është çështje fati. Kjo vjen me punë. Jam shumë krenar, pasi po marr atë që më takon. Dua të shpallem kampion me Granadën, të fitoj golashënuesin më të mirë dhe lojtarin më të mirë të vitit. Besoj se e meritoj, pasi jam lojtari që kam shënuar më shumë, kam krijuar më shumë raste dhe kam vrapuar më shumë këtu në kampionat”, ka deklaruar Myrto Uzuni.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
q. robt, sa modest! edhe messi nuk fol kshu ne intervista
Po ik ore varrikarist ,ty dhe ne kombetare te mbajne me zor se ke paguar leke ,ti je nga ata lojtare qe shkon 20 here te porta dhe s shenon asnjehere ,po te roje Duka dhe futi ato dhembet brenda se na trembe
Per alban dhe Vlora.Vlora-do te desheroja qe t'ju shikoja juve ne vend te Uzunit, duke vrapuar ne nje ndeshje te nivelit te Spanjes dhe pastaj le te flisnit se sa e lehte eshte te luash atje. Problemi me shume nga juve, "sportistet" e kafeneve eshte se nuk keni prekur kurre topin me kembe, por sidoqofte e konsideroni veten tuaj specialiste te topit. Uzuni ka shenuar 22 gola ne nje kampionat qe per nga cilesia eshte nga me te miret e botes per kategorine e vet. E verteta eshte se ai eshte nga lojtaret me punetore tek Granada dhe tek kombetarja jone. Jo cdo rast per gol do perfundoje pa tjeter ne rrjete. Me ato qe ka bere, besoj se Uzuni e meriton qe te marre trofete per te cilat pretendon.