Te fundit
Tirana fiton ndaj Vllaznisë, Bylis mposht Elbasanin. Flamurtari bie në Kategorinë e Parë
6 Maj 2026, 18:28Sport
TEMA
Java e 35-të e Kategorisë Superiore ka dhënë disa verdikte, duke përcaktuar katërshen e “Final Four” dhe duke konfirmuar skuadrën e parë që largohet nga elita.
Tirana arriti një fitore jetike 1-0 në “Klasiken” ndaj Vllaznisë, falë një penalltie të shënuar nga Rafa Silva. Shkodranët e mbyllën ndeshjen me nëntë lojtarë pas ndëshkimit me karton të kuq të Malës dhe Bajramit, ndërsa bardheblutë ngjiten në vendin e gjashtë me 41 pikë, duke bërë një hap të madh drejt mbijetesës.
Po në kuotën e 41 pikëve është ngjitur edhe Bylisi, i cili mposhti 2-1 Elbasanin kryesues me një përmbysje në pjesën e dytë.
Në garën për titull, Egnatia u rikthye te fitorja duke mposhtur Partizanin 2-0 në debutimin e trajnerit Nevil Dede, rezultat ky që lë “të kuqtë” zyrtarisht jashtë zonës “Final Four”.
Vendin e tyre e ka marrë Dinamo, e cila pas barazimit 2-2 ndaj Vorës siguroi pjesëmarrjen në fazën finale. Ndërkohë, fundi i tabelës ka sjellë lajmin e hidhur për Flamurtarin.
Barazimi 2-2 ndaj Teutës ka zbritur zyrtarisht vlonjatët në Kategorinë e Parë, pasi me 36 pikë e kanë të pamundur arritjen e zonës së shpëtimit në javën e fundit, për shkak se Vora dhe Teuta, që ndodhen më sipër me 39 pikë, kanë në favor përballjet direkte.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Turp. Turp. Turp qe zhvillohet akoma kamponat ne Shqiperi
Përse nuk e prejashton federata Elbasanin nga kampionati ? Ka bërë dy shitje të turpëshme ndeshjesh me Vorën dhe Ballshin. Në Vorë pamvarësisht mungesave ka luajtur me rezervat e rezervave. Me Ballshin realizon autogol në fund të ndeshjes.
Flamurkari drejttohet nga një çam turko-islamist, nuk kishte si të mos ndodhte ndryshe
Ne final four duhet te luajne Tirana, Vora, Ballshi dhe Vlora sepse kane mundur skuadrat e kreut. Te bien nga kategoria Vlkaznia, Elbasani, Dinamo,Partizani dhe vecanerisht me dobta Egnatia. Turp e faqe e zeze per kampionatin qe kemi. Vetem pazare dhe shitje te ndeshjeve para syve te Sulltan Dukes.
Frattelo flamurtari Vlorë nuk ka rënë akoma sepse po të humbi Teuta me Egnatian Vora me Bylisin dhe flamurtari Vlorë të fitojë kundër Vllaznisë del ne vend te 8