Te fundit
Festë e madhe në Laç për titullin kampion, kryetarja Majlinda Cara: Moment krenarie!
6 Maj 2026, 12:04Sport
TEMA
Një festë madhështore u organizua në Laç nga kryetarja e bashkisë, Majlinda Cara, për fitimin e titullit kampion të Kategorisë së Parë nga kurbinasit.
Laçi kthehet në Superligë me petkun e kampionit dhe entuziazmi ishte i madh në qytet. Kryetarja Cara i dha një dimension tjetër këtij suksesi, duke organizuar një festë të veçantë, ku prezent ishte edhe këngëtari Jozi Marku, për t’i dhënë ngjyra të tjera koncertit.
I gjithë ekipi i Laçit, u ngjit në podium së bashku me kryetaren, Majlinda Cara, e cila ngriti Kupën bashkë me kapitenin Kurti, mes një atmosfere elektrizuese.
“Moment krenarie. Mbrëmë në Laç nuk u festua thjesht marrja e një trofeu. Festuam për shpirtin e garës dhe për karakterin e një ekipi që nuk dorëzohet kurrë, që mund të ‘rrëzohet’, por di të ringrihet më i fortë. Festuam për tifozërinë. Festuam për qytetin. Drejt sukseseve të reja në Superligë”, shkruan kryetarja Majlinda Cara në profilin e saj zyrtar.
Laçi arriti një fitore emocionuese në Korçë, duke mundur 1-0 Skënderbeun me gol të kapitenit Arlind Kurti të hënën dhe u shpall kampion i Kategorisë së Parë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Në cilin sport, analfabetë!