Berati, një përrallë magjike!

Vanity Fair

Duke ecur nëpër rrugicat e qendrës historike të Beratit, Shqipëri, ke përshtypjen sikur ke shkuar pas në kohë. Ky qytet, që prej vitit 2008 është në listën e trashëgimisë botërore të UNESCO-s, duket sikur ka dalë nga një përrallë për fëmijë: shtëpi prej guri, rrugë si labirinte, kopshte të mbushura me lule, xhami dhe kisha të vjetra, dhe një kështjellë që, nga lartësia, e vëzhgon qytetin.

Nga tarraca e Tradita e Beratit, një shtëpi tradicionale e kthyer në hotel dhe restorant, pamja është një nga ato që nuk harrohen lehtë. Duke zgjatur dorën, duket sikur mund të prekësh tavanet prej tjegulle të shtëpive të vjetra pranë lumit Osum, ndërsa ura e Goricës, vetëm disa metra larg, është sfondi perfekt për një foto kujtim. Është vendi ideal për t'u zhytur thellë në këtë qytet me histori mijëvjeçare. 

Të zgjohesh mes mureve të këtij hoteli, të vendosur në një vilë prej guri, dhe të hash një mëngjes të bollshëm i rrethuar nga qetësia e qytetit që ngadalë zgjohet, para se të fillosh eksplorimin, është një nga përvojat më të bukura që mund të përjetosh në Berat dhe në Shqipëri.

Në tryezë ke një zgjedhje të pasur: lëngje frutash të freskëta, kafe, vezë nga fermerët, kroasantë, petulla të skuqura që shkrihen në gojë, djathë i bardhë dhie, mjaltë dhe reçel shtëpie. Tradita e Beratit ka 6 dhoma gjumi të mobiluara me kujdes deri në detajet më të vogla: mes qilimave me modele gjeometrike, objekteve prej bakri, dekorimeve druri dhe perdeve të bardha të qëndisura me dorë nga zanatet e qytetit, dallohet edhe elementet origjinale të ndërtesës, si oxhaqet dhe muret prej guri të ruajtura me kujdes.

Plot energji je gati për të përballuar ditën më mirë. Berat është një qytet pitoresk me rrugë të pjerrëta që të çojnë në vende ku koha duket sikur ka ndaluar. Shtëpitë e bardha me çati kafe dhe dritaret njëra mbi tjetrën, kishat e vjetra, kopshtet e gjelbra që dalin nga pas dyerve me ngjyra. Dhe, më tej, xhamitë e qytetit, përfshirë edhe atë të Beqarëve, e ndërtuar për të rinjtë që kërkonin grua, me piktura të detajuara që zbukurojnë muret e jashtme. 

Çdo cep, çdo pamje është një ftesë për të ndaluar dhe për të vëzhguar, pa ngutje, bukurinë dhe veçantinë e këtij vendi. Deri te Kështjella e Beratit, brenda mureve të së cilës, ende të banuara, ndodhen mbetje kishash, xhamish dhe një nga muzetë më të bukura të Shqipërisë, Onufri, i dedikuar piktorit të ikonave të shekullit XVI me të njëjtin emër.

Për romantikët, magjia ndodh në mbrëmje, kur qielli ngjyroset me tonet portokalli dhe rozë. Menuja e Tradita e Beratit përbëhet nga pjatat më të shijshme të kuzhinës lokale. Nga byreku, një byrek me spinaq, te fërgesa, një tavë e pjekur në furrë me djathë të kripur, domate dhe speca, nga specat dhe patëllxhanët e mbushur deri te qoftet tradicionale dhe ullinjtë e famshëm të Beratit, çdo pjatë është një kënaqësi për sytë dhe shijen. Dhe gjithçka shoqërohet me verën lokale.

“Berati, në zemër të Shqipërisë, ka disa prej vreshtave më të mira të vendit, që së bashku krijojnë një peizazh që nuk ka çfarë t’i ketë zili Italisë apo Francës”, rrëfen Antonel Hoço, i cili së bashku me motrën Kejsi menaxhojnë vilën. Çdo përbërës i menusë është lokal, sezonal dhe shumë i freskët, siç kërkon tradita më e mirë shqiptare. Gjatë verës, kur nxehtësia e ditës zëvendësohet nga freskia, mund të shijosh darkën nën qiellin me yje, duke shikuar dritat e qytetit.

Është një ëndërr? Jo, këtu kjo është thjesht realitet.

Media britanike “The Times”: Zbuloni pikat sekrete dhe piktoreske të jugut të Shqipërisë

09:15 Turizëm

FOTOT: Mbërrin kroçera luksoze me 463 turistë gjermanë! Vizitojnë Krujën, Beratin dhe Durrësin

13:40 Turizëm 3 komente

Raporti i OKB: Shqipëria, rritje me 136% fluks turistik! Rama: Tjetër konfirmim ndërkombëtar për suksesin tonë

14:10 Turizëm 6 komente

Motoristët “pushtojnë” Pogradecin, parada e veçantë tërheq vëmendjen e banorëve dhe turistëve

13:30 Turizëm

Spektakël në qiellin e Liqenit të Shkodrës, një çast dramatik nga jeta e egër, kapur mjeshtërisht nga fotografi Ridvan Sokoli

12:34 Turizëm

Shqipëria rrugës për t’u “pushtuar” nga 30 milionë turistë

18:32 Turizëm 20 komente

''Shqipëria, destinacion i preferuar për dashamirësit e natyrës'', Rama: 867 mijë vizitorë eksploruan zonat e mbrojtura në katër muajt e parë të vitit

14:00 Turizëm 1 koment

‘Shqipëria, destinacioni i dashamirësve të natyrës’, Rama: 867 mijë vizitorë në katër muajt e parë të vitit

13:47 Turizëm

Forbes: Efekti i menjëhershëm në imazh, i blerjes së apartamenteve shqiptare nga europianët

20:10 Turizëm

Rafting në lumin Shkumbin, një përvojë e re për vizitorët nga Spanja

16:03 Turizëm 1 koment