Te fundit
Fundvjeshta e pazakontë në Vlorë, plazhet ende të mbushura me turistë
27 Tetor 2024, 15:25Turizëm
TEMA
Edhe këtë vit, Vlora po tejkalon pritjet e operatorëve turistikë, duke zgjatur sezonin veror deri në vjeshtë.
Në fund të tetorit, qyteti ofron mundësi plazhi, duke tërhequr një numër të madh turistësh dhe qytetarësh nga qytete të ndryshme.
Të pranishmit shprehen se koha është e bukur dhe uji i ngrohtë.
“Tani është thuajse pranverë, jo fundi i tetorit! Koha është shumë e bukur, njerëzit kanë ardhur… Ne vijmë nga Fieri, dhe shokët e Vlorës na presin këtu. Është më mirë të bësh plazh tani sesa në korrik e gusht, sepse ka më pak njerëz dhe temperatura është më e këndshme”, thotë një qytetar për Euronews Albania.
Një tjetër shton: “Temperaturat janë të larta dhe nuk ka ardhur akoma periudha e ftohtë. Uji është shumë i mirë, si në pranverë. Më vjen mirë që shumë njerëz preferojnë plazhin në fundjavë.”
“Temperatura e detit është e shkëlqyer! E veçanta është se jemi me miq e shokë. Po e shijojmë këtë fundjavë me miqtë e mirë nga Fieri dhe Vlora. Ne vijmë çdo fundjavë këtu, plazhi është i bukur gjithmonë,” shprehet një tjetër qytetar.
Sipas informacionit nga operatorët turistikë, këtë fundjavë janë 40-50% të hoteleve të pronotuara në Vlorë.
Shqiptarët nga Kosova mbizotërojnë mes turistëve, ndërsa italianët janë numri më i madh i të huajve.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Heuuu