Te fundit
Pamje unike nga “Kodrat e rralla Molastike” në Zvërnec
11 Korrik 2022, 11:07Turizëm
TEMA
Kryeministri Edi Rama ka postuar mbrëmjen e djeshme në rrjetet sociale pamje nga “Kodrat e rralla Molastike”, në Zvërnec.
Rama thekson se pamja është unike dhe fton turistët ta zbulojnë këtë vend të jashtëzakonshëm.
“Nëse Zvërnecin e njihni vetëm si ishullin e vogël me Manastirin e tij, duhet të zbuloni edhe “Kodrat e rralla Molastike”, me një pamje unike të formacioneve shkëmbore të shpallura Monument Natyre”, shkruan Rama.
Zvërneci gjendet pak kilometra larg qytetit të Vlorës, në pjesën veriperëndimore të saj.
Pamja e parë mbi të mund të merret madje që në kodrat nga Kriporja deri sa mbërrihet në qytetin e Vlorës përgjatë rrugës që vjen nga Fieri.
Një urë druri rreth 100 metra e ndërtuar mes për mes kënetës të çon drejt manastirit.
Në anën tjetër të ishullit gjendet “Kisha e Shën Triadës”, kjo kishë është e dëmtuar dhe e pa riparuar akoma. Zvërneci, me ishullin e vogël të tij, ndodhen rreth 14 km larg nga Vlora, aty ku mbaron pylli i Sodës dhe fillon laguna e Nartës.
I tërë peizazhi krijon një ansambël shumë të bukur natyror, me plot kontraste dhe ku gjenden në harmoni bukuria me qetësinë e këtij vendi.
Përveç bukurisë natyrore, interes të veçantë paraqet për vizitorët Manastiri i Shën Mërisë, i cili ndodhet në ishullin e Zvërnecit dhe ku mund të shkohet me një urë të ngushtë këmbësorësh prej druri. Manastiri është një ndërtim tipik bizantin i ndërtuar në shek. X-të pas Krishtit.
Zvërneci mbetet një nga pikat më të afërta ku gërshetohet bukur turizmi natyror me atë detar dhe kulturor, ku historia prehet në krahët e natyrës.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Në Tiranë shiheshin për kurban bajram afghanë, pakistanez dhe Arab Indian me kostumet e tyre fetare. Mendova se jam në koshmar.